Joshua Rhys a'r Neges Frys
gan Siân Lewis
ISBN 9781843233879 (1843233878)
Cyhoeddwyr Gwasg Gomer, Llandysul
Clawr meddal
Crynodeb y Llyfr
Stori fywiog a doniol mewn lliw-llawn ar ffurf mydr ac odl yn adrodd hanes anturiaethau anhygoel un bachgen bach wrth iddo ddathlu ei ben-blwydd yn wyth oed drwy fynd ar daith gofiadwy i'r jyngl gyda'i fam-gu hynod iawn. Mae fersiwn Saesneg o'r stori ar gael.
A lively and amusing, full colour story in rhyming form relating the incredible adventures of a boy as he celebrates his eighth birthday by going on a memorable journey to the jungle with his very unusual grandmother. An English version of the story is available.
Adolygiadau llyfrau
Dyma farn Delyth Wyn Davies , am y llyfr hwn:
(5/5)
Dyma lyfr Cymraeg gwreiddiol, sy’n sôn am anturiaethau bachgen ifanc wyth mlwydd oed o’r enw Joshua Rhys. Roedd gan Joshua fam-gu anghyffredin iawn, sef Mag Puw; roedd hi'n gyfrifol am redeg syrjeri anifeiliaid anwes, a honno bob amser yn llawn o greaduriaid anghyffredin iawn. Roedd ganddi aderyn twcan lliwgar i’w helpu a gallai'r ddau ohonynt hedfan i’r jyngl bob tro roedd yna anifail ag angen help. Mae yma dinc o Dr Who yma, wrth i Joshua, mam-gu a’r twcan adael y siop a glanio ym mherfeddion y jyngl i helpu’r creaduriaid yno. Mae’r holl lyfr wedi ei ysgrifennu’n hynod greadigol mewn odl rythmig, e.e. 'Rhyw neidr fawr lithrig â phoen yn ei llwnc, Neu eliffant llwyd gyda chric yn ei drwnc.' Mae’r lluniau yn dod â’r stori’n fyw ac yn ychwanegu at y cyffro. Llyfr i’w ddarllen dro ar ôl tro er mwyn dotio at y rhythm a’r cyffro geiriol sydd yma. Adolygiad oddi ar www.gwales.com, trwy ganiatâd Cyngor Llyfrau Cymru.
Rho dy farn di am y llyfr hwn nawr!
Rho dy farn di am y llyfr hwn nawr!
Diolch i Gyngor Llyfrau Cymru am ddarparu lluniau’r cloriau a gwybodaeth am y llyfrau ar gyfer y wefan hon. Os hoffech chi brynu'r llyfrau hyn ewch i'ch siop lyfrau leol neu os oes anhawster i siop www.gwales.com ar-lein.
