Phoebe, Bridgend rated this book:
roedd yr llyfr yn diddorol iawn iawn
Tell us what you thought of this book now!

Angharad Williams, rated this book:
Dyma lyfr wnes i ei fwynhau’n fawr iawn. Mae’n llawn lluniau arbennig gyda digon o fynegiant yn wynebau’r cymeriadau. Bryn yw’r prif gymeriad, bachgen sydd â choesau cam ac yn gorfod defnyddio ffrâm arbennig gydag olwynion arni i’w helpu i gerdded. Er ei anabledd, mae Bryn ar y cyfan yn fachgen hapus ac mae ganddo ffrindiau da fel Bethan. Ond mae ambell un fel Owain nad ydynt yn gystal ffrindiau! Yma cawn hanes taith addysgol i ymweld â’r castell lleol. Caiff Bryn siom na chaiff ddringo i ben y Tŵr Mawr gyda’r gweddill. Tybed pam nad oedd yn gweld Owain ar ben y tŵr gyda’r gweddill? Wel . . . does dim angen i mi ddweud popeth! Yna, caiff y disgyblion gyfle i grwydro o gwmpas ar eu pennau eu hunain, a beth mae Bryn yn ei wneud? Mae’n dangos ei fod yn fachgen penderfynol iawn ac i ffwrdd ag ef i ddringo’r grisiau a chyrraedd pen y Tŵr Mawr. Drwy’r llyfr ceir digon o gyfleoedd i drafod teimladau’r cymeriadau ac i’w cymharu â theimladau’r darllenwr neu’r gwrandäwr. Mae’n stori wych fel sbardun i drafod anabledd, wynebu ofnau neu beth sy’n gwneud ffrindiau da. Llyfr addas ar gyfer y cartref a’r ysgol i blant 5 i 8 oed. Adolygiad oddi ar www.gwales.com, trwy ganiatâd Cyngor Llyfrau Cymru.
Tell us what you thought of this book now!