Blwyddyn 1 Ysgol Y Login Fach,, Waunarlwydd, Abertawe rated this book:
Mae'r stori'n dda. Mae'r lluniau yn ffantastig ! Rydyn ni'n hoffi'r rhan pan mae'n nhw'n coginio'r cawl a phan mae'r wiwer a'r gath yn poeni bod yr hwyaden wedi cael ffrindiau newydd ac hefyd pan ddaeth y ffrindiau yn ol at ei gilydd. ON Rydyn ni yn hoffi gwefan darllendafi hefyd !
Tell us what you thought of this book now!

Alaw Jenkins, Caerdydd rated this book:
Rwy’n dysgu plant yr ail flwyddyn felly rwy’n bob amser yn chwilio am lyfrau llun o safon da. Hwn yw fy ffefryn ar hyn o bryd a mae’r tri dosbarth sydd wedi ei ddarllen yn hoff iawn o Hwyaden, Wiwer and Cath. Mae’n ddechrau gwych ar gyfer ysgrifennu a dylunio creadigol, yn yr Hydref wrth gwrs, gyda dosbarth yn llawn pompiynau a cawl yn berwi yn y gegin!
Tell us what you thought of this book now!

Sally Taylor, Croesoswallt rated this book:
Hwn oedd yr ail lyfr wnaeth hudo fy mab, ac er ei fod yn dair oed nawr mae e dal yn ddwl am y stori. Mae’r delweddau yn anhygoel sy’n denu darllenwyr at y stori. Mae fy mab oedd arfer fod yn ddarllenwr swil nawr yn ddarllenwr brwd dros ben - diolch i Helen Cooper!
Tell us what you thought of this book now!

Nia Gruffydd, rated this book:
Profiad chwerwfelys a geir wrth ddarllen y stori hon, sy’n cynnig digon i feddwl a siarad amdano. Mae Hwyaden, Wiwer a Cath yn byw’n ddigon hapus yn y Caban yn y coed a phob un yn hapus gyda’i waith ei hun, hyd nes y daw’r diwrnod pan fo Hwyaden yn penderfynu mai ei thro hi yw troi’r cawl. Mae’r tri ffrind yn ffraeo ac mae Hwyaden yn pwdu ac yn penderfynu gadael y tŷ. Yr hyn sy’n wych am y stori yw sut y darlunnir sefyllfaoedd cyfarwydd i bawb yma, yn cynnwys eiddigedd, balchder, brifo teimladau, ac wrth gwrs edifeirwch. Dengys y stori hon yn gelfydd iawn bod ffrindiau weithiau yn ffraeo dros bethau gwirion, ond bod poeni am ein gilydd a maddeuant yn bethau pwysig iawn. Nid yw’n stori drom chwaith gan fod cynhesrwydd a hiwmor yn y dweud, a miwsig yn sŵn y geiriau yn yr addasiad hwn gan Dylan Williams. Mae’n stori ardderchog i’w darllen yn uchel. Mae prydferthwch a medr artistig manwl y lluniau yn wledd i’r llygaid ac yn cynnig digon o ddeunydd i ysgogi'r meddwl ac i ddifyrru plant dan saith oed. Adolygiad oddi ar www.gwales.com, trwy ganiatâd Cyngor Llyfrau Cymru.
Tell us what you thought of this book now!