Lynwen Roberts, rated this book:
Addaswyd y llyfr hwn gan Gwenllïan Dafydd, ac fe’i cyhoeddwyd gan Gymdeithas Lyfrau Ceredigion. Llyfr clawr caled yw hwn sy’n llawn lluniau lliwgar a neges glir gwerth ei hystyried. Mae athrawes Dosbarth Un yn un dda am rhoi sêr i blant y dosbarth – seren am ysgrifennu’n daclus, seren am ddod ymlaen yn dda gyda mathemateg, a seren am waith da. Ond nid yw Geraint, druan, arwr y stori, erioed wedi cael seren. Mae ei waith llyfr yn flêr, ei waith celf yn ddiflas, ac mae’n dueddol o ymddwyn fel clown y dosbarth. Ond mae’n amlwg fod gan bawb ddoniau, a chyn diwedd y stori sylweddola ei athrawes fod gan Geraint yntau ddoniau wedi’r cyfan. Dyma stori i bob athrawes plant bach a neges bwysig i ni i gyd. Mae’r stori yma yn atgoffa fy mhlant innau o'r ‘Wobr Gorau Glas’ yn eu hysgol hwy. Mwynhawyd y stori hon orau gan fy mhlant dosbarth derbyn a blwyddyn dau.
Tell us what you thought of this book now!