Plant 2-3 oed: darllen ar y cyd
Dylai fod gan eich plentyn ddiddordeb sylfaenol mewn darllen erbyn yr oedran hyn, ond mae angen i chi barhau meithrin geirfa a datblygu sgiliau cyfathrebu eich plentyn.
Dylai eich plentyn afael mewn llyfr, mwynhau'r lluniau a chlywed llawer o straeon a hwyangerddi. Hwn yw'r sail gorau posib i'ch plentyn ddysgu darllen a mwynhau llyfrau.
- Darllenwch i'ch plentyn mor aml â phosib - unrhyw amser, unrhyw le - yn y gwely, yn y car, yn y bath. Hefyd, ceisiwch gadw amser arbennig i ddarllen pan fydddwch chi'n gallu closio at eich gilydd.
- Adroddwch straeon mewn lleisiau doniol er mwyn profi fod darllen yn hwyl.
- Os oes gennych chi sawl plentyn ifanc, darllenwchi bawb gyda'i gilydd. Llyfrau llun sydd orau ar gyfer darllen mewn grwp.
- Rhowch lyfrau mewn basgedi a bocsys o gwmpas y cartref - bydd eich plentyn yn gallu dewis llyfr a'i ddarllen unrhywle.
- Peidiwch â synnu os mae eich plentyn eisiau darllen ei hoff stori dro ar ôl tro. Daw eich plentyn yn gyfarwydd â'r stori a dechrau darllen gyda chi.
- Symudwch eich bys o dan y geiriau er mwyn i'r plentyn gweld a chlywed geiriau gyda'i gilydd.
- Canwch hwyangerddi a trafodwch geiriau sy'n odli er mwyn ehangu geirfa eich plentyn.
- Trafodwch y lluniau yn y stori a dyfalwch beth sy'n digwydd. Gofynwch i'ch plentyn bwyntio bys at rywbeth penodol yn y llyfr neu pwyntiwch eich bys at rywbeth gan ofyn i'ch plentyn ddweud beth ydyw.
- Anogwch eich plentyn i ddod â llyfrau adre o'r meithrinfa.
- Gwnewch yn siwr fod eich plentyn yn eich gweld chi'n darllen llyfrau, cylchgronnau a phapurau newydd.