Darllen yn Gymraeg: Dyma sut fedrwch chi helpu!
Efallai nad ydych chi'n medru siarad Cymraeg neu eich bod chi'n dysgu. Beth bynnag yw'r sefyllfa, mae yna sawl ffordd fedrwch chi helpu eich plentyn ddarllen yn Gymraeg
- Y peth pwysicaf i chi ei wneud yw dangos agwedd gefnogol o'r dechrau un. Bydd hyn yn magu hyder yn eich plentyn. Mae digon o storiau, caneuon a rhigymau yn y Gymraeg a'r Saesneg. Bydd eich plentyn yn cael y gorau o'r ddau fyd.
- Anogwch eich plentyn i ddarllen yn uchel yn y ddwy iaith mor aml ag sy'n bosibl - pan fyddwch chi'n siopa, yn y car neu ar y bws. Gallwch chi ddarllen yr arwyddion yn y Saesneg a gall eich plentyn eu darllen yn y Gymraeg.
- Edrychwch ar y lluniau mewn llyfr Cymraeg a siaradwch amdanyn nhw yn y Saesneg. Bydd llawer o'r ystyr yn dod yn glir drwy'r lluniau.
- Gofynnwch i'ch plentyn ddweud y gair Cymraeg wrthych am rai pethau yn y stori neu'r llyfr lluniau. Bydd hyn yn rhoi llawer o hyder i'ch plentyn. Mae plant ifanc yn dysgu trosglwyddo o un iaith i'r llall - yn llawer haws nag oedolion.
- Gofynnwch i'ch plentyn ddweud yn y Saesneg am stori maen nhw wedi'i darllen yn y Gymraeg. Mae storiau traddodiadol yn lle da i ddechrau neu lyfr lluniau rhagorol. Fel mewn pob sefyllfa o ddarllen ar y cyd, y peth pwysicaf y gallwch ei wneud yw annog a dangos diddordeb. Rhannu pleser yw'r ffactor pwysicaf.