SUT I DDARGANFOD OS OES GENNYCH ALERGEDD NEU ANODDEFGARWCH AT FWYDYDD PENODOL

• Mae sawl ffordd i ddod i adnabod os oes gennych sensitifrwydd i fathau arbennig o fwyd. Bydd alergedd yn achosi adwaith dwys ar unwaith, ac felly maent yn hawdd i’w hadnabod. Fodd bynnag, efallai na fydd symptomau anoddefgarwch yn ymddangos am oriau neu hyd yn oed dyddiau, ac felly mae’n anoddach rhoi eich bys ar yr hyn sy’n achosi’r adwaith.


• Os ydych yn credu bod gennych alergedd neu anoddefgarwch tuag at fwyd, yna dylech gysylltu â’ch GP cyn gynted â phosibl. Gellir gwneud sawl prawf i gadarnhau’r cyflwr:
  
  - Hanes Diet: Mae cadw cofnod o’r diet yn rhan bwysig o’r proses, er mwyn cymharu’r hyn sy’n cael ei fwyta cyn unrhyw ymddangosiad o’r symptomau.
  - Prawf Pigo’r Croen: Mae hyn yn brawf lle mae ychydig o’r bwyd amheus yn cael ei roi ar y croen (ar flaen y fraich). Fe ddaw’r canlyniadau o fewn 20 munud ac nid yw’r prawf ei hunan yn boenus.
  - Prawf Gwaed: Dyma lle cymerir ychydig o waed a’i danfon at labordy ar gyfer testio. Defnyddir y prawf hwn ar gyfer archwilio achosion alergeddau bwyd difrifol.
  - Profion Sialens Fwyd: Ym mhresenoldeb arbenigwyr, caiff darnau bychain o’r bwydydd amheus eu cuddio a’u bwydo i’r claf. Bydd meddyg yn adolygu ymateb y corff.
  - Profion Gwahardd: Dyma lle bydd yr unigolyn yn osgoi’r bwydydd amheus am ychydig wythnosau cyn iddynt gael eu hail-gyflwyno’n raddol. Cedwir dyddiadur i gofnodi ymateb y corff i’r bwydydd er mwyn adnabod pa un sy’n achosi’r symptomau. Dylid gwneud y prawf hwn o dan oruchwyliaeth dietegydd.


• Unwaith i chi gael canlyniadau’r profion, dylid trafod â’ch GP fel eich bod yn gallu lunio cynllun ar gyfer eich diet. Yn ychwanegol, dylid adolygu pob diagnosis o alergedd bwyd, yn enwedig os mai plant sy’n dioddef.