• Ryseitiau

Ceir isod ddyddiadur sy’n dangos y math o brydau sy’n arfer cael eu bwyta ar ynys Jamaica. Mae’n amlwg nad yw pawb yn dilyn yr union un patrwm, yn enwedig gyda’r dylanwadau cyfoes a ddaw o dramor, ond mae’r rhoi syniad o’r bwyd sy’n gyffredin ar yr ynys bob dydd.

DYDD SUL

Brecwast

Y prif bryd yw naill ai afu; ackee & saltfish; macrell; neu benogyn (herring). Mae’n arfer cael ei weini gyda thwmplen wedi’i ffrio, bammy, banana wedi’i ferwi, twmplen wedi’i berwi a yam.

Cinio Canol Dydd

Reis a phys, gyda chyw iâr, cig eidion wedi’i rostio a / neu gyrri-gafr. I gyd-fynd â’r pryd ceir tatws melys a salad cymysg.

Cinio’r Nos

Mae cinio’r dydd yn arfer ymestyn i fewn i’r nos. Y diodydd i gyd-fynd â chinio dydd Sul yw sudd moron, soursop a suran (sorrel).

DYDD LLUN I DDYDD IAU

Brecwast

Wyau wedi’u berwi neu’u ffrio; sardîns, rundown; powlen o uwd blawd corn neu uwd banana.
Diodydd: coffi; Horlicks; Ovaltine.

Cinio Canol Dydd

Patty ag amrywiaeth o fara a chaws; torth gig.
Diodydd: amryw sudd, dwr cneuen goco, lemonêd ffres.

Cinio’r Nos

Amrywiaeth o brydau, gan gynnwys cyrri cyw iâr; cyrri corgimwch; escabeche; pysgod wedi’u stemio; cawl bôn y gwt (oxtail stew); pys wedi’u stiwio; porc wedi’i stiwio; cawl troed buwch / cawl sawdl buwch. Weithiau ceir cyrri-gafr, ond fel arfer mae hynny’n cael ei gadw ar gyfer dydd Sul neu achlysuron arbennig. I gyd-fynd â’r pryd ceir corn, yam, dasheen, cho cho, banana wedi’i ferwi, twmplenni wedi’u ffrio a plantains wedi’u ffrio.
Diodydd: yr un peth â chinio canol dydd.

DYDD GWENER

Brecwast

Yr un pethau â dydd Llun i ddydd Iau.

Cinio Canol Dydd

Yr un pethau â dydd Llun i ddydd Iau.

Cinio’r Nos

Nid yw neb yn coginio ar nos Wener. Mae’r trigolion yn prynu prydau parod (jerk cyw iâr / jerk porc; pysgod wedi’u rhostio neu ffrio; pysgod hallt a yam wedi’i rostio; bwydydd tramor) neu maent yn cael cinio mewn bwyty.

DYDD SADWRN

Brecwast

Afu gyda bananas; ackee & saltfish; yam gyda thwmplenni.

Cinio Canol Dydd

Cawl cig eidion neu gyw iâr. Pan allan ar ddiwrnod ar y traeth, bydd y trigolion yn bwyta pysgod wedi’u ffrio â bammy.

Cinio’r Nos

Ar achlysuron arbennig fe fwytir cyrri-gafr. Mewn dathliadau bydd yr oedolion yn cael Manish Water a / neu gawl Cowcod.