• RYSEITIAU

Mae’r bwyd yr ydym yn ei fwyta yn effeithio ar ein iechyd, pwysau, siâp ac yn y blaen. Mae celloedd ein cyrff yn amsugno cynnwys y bwyd, felly, yn ddibynnol ar beth yr ydym yn fwyta, gall y celloedd gael eu heffeithio mewn gwahanol ffyrdd. I ddeall mwy am sut mae bwyd yn effeithio ar ein hymddygiad, mae gwyddonwyr wedi bod yn canolbwyntio ar neutrotransmitters.

Mae neutrotransmitters yn cario negeseuon yr ymennydd o gell i gell a maent yn rheoli llawer o’n swyddogaethau corfforol gan gynnwys ein meddyliau, teimladau a’n patrymau ymddygiad a rheoli y ffordd rydym yn teimlo a’n awydd am fwyd. Mae yna nifer gwahanol o neutrotransmitters ond y rhai sydd yn cael eu heffeithio fwyaf a sy’n sensitif i’r cysylltiad rhwnd deiet a’r ffordd yr ydym yn teimlo yw serotonin, norepinephrine a dopamine.

Mae Serotonin yn symbylu’r teimlad o optimistiaeth, ymlacio a theimlo’n dda yn gyffredinol. Mae’r neutrotransmitter yma hefyd yn ein darparu â’r gallu i ganolbwyntio. Gall lefel uchel o serotonin ein gwneud yn flinedig ond mae hyn yn ddibynnol fel arfer ar ba amser o’r dydd ydi hi. Hefyd, gall lefel isel o serotonin achosi iselder, anawsterau cysgu, yr anallu i ganolbwyntio a’r awydd fwy fwy am fwyd.

Mae Dopamine a Norepinephrine yn symbylu teimlad o gyffro, bywiogrwydd a siarprwydd meddyliol. Mae lefel uchel o’r neutrotransmitters yma’n achosi iselder ysbryd, blinder a chanolbwyntio gwael tra bod lefel isel yn achosi gofid ac aflonyddwch.

Mae’r ymennydd yn creu’r neutrotransmitters hyn o asidau amino, sydd yn gyfrifol am gynhyrchu protein. Mae yna ddau fath o asidau amino sy’n symbylu y cysylltiad sydd rhwng ein hymddygiad a’r ffordd yr ydym yn teimlo a bwyd, sef tryptophan a tyrosine. Mae Serotonin yn gwreiddio o tryptophan tra bod tyrosine yn gyfrifol am greu dopamine a norepinephrine.

Mae bwyta bwydydd sy’n uchel o ran eu cynnwys protein fel cig, pysgod, bîns, cnau a chynnyrch soia yn rheoleiddio’r lefel o tyrosine yn yr ymennydd. Mae gwyddonwyr yn honni drwy fwyta dim ond 3-4 owns o fwydydd sy’n uchel mewn protein, y bydd lefel ddigonol o dopamine a norepinephrine yn cael eu cynyrchu i wneud i rywun deimlo’n fwy egniol, mwy bywiog ac yn fwy siwr o’u hunain.