• RYSEITIAU

Mae bwyta bwydydd sydd â lefel uchel o garbohydradau fel pasta, tatws, grawnfwyd a bara yn cynyddu’r cynyrchiad o serotonin. Mae carbohydradau yn amsugno’r tryptophan, sydd mewn amser yn troi yn serotonin yn yr ymennydd sydd yn y pen draw yn achosi teimlad o lonyddwch a thawelwch meddwl. Honnir fod yr effeithiau hyn yn digwydd ymhen hanner awr o fwyta carbohydrad ac yn aros gyda ni am oriau lawer.

Fodd bynnag, gall pryd sydd â lefel uchel o brotein weithio yn erbyn yr effeithiau braf a geir o garbohydradau. Mae hyn oherwydd fod bwydydd protein yn cynnwys llawer o wahanol fathau o asidau amino (gan gynnwys tryptophan a tyrosine) sy’n gorlenwi’n system pan y bwytir a maent i gyd yn cystadlu â’i gilydd i symbylu’r ymennydd. Mae Tryptophan yn asid amino mawr sy’n golygu mai dim ond nifer bach iawn sy’n llwyddo i gyrraedd y mannau cywir sy’n golygu weithiau mai dim ond nifer bychan iawn o serotonin sy’n cael ei greu. O ganlyniad, gall hyn achosi noson ddi-gwsg neu iselder.

Ar y llaw arall, golyga bwyta carbohydradau fod llawer iawn llai o asidau amino’n cael eu rhyddhau sy’n goygu llai o gystadleuaeth. Mae’r pancreas yn cynhyrchu insiwlin pan ydym yn bwyta carbohydradau a mae’r insiwlin yn tywys y rhan fwyaf o asidau amino i’r llif gwaed, sydd wedyn yn cael ei amsugno gan gelloedd y corff. Gan fod Tryptophan yn asid amino mwy, mae’n aros yn y llif gwaed gan sicrhau fod ganddo fynediad haws at yr ymennydd. Felly, mae’r lefelau Serotonin yn cynyddu gan helpu rhywun i ymlacio a chanolbwyntio.