• Gwreiddiau Bwydlysyddiaeth
• Cryfhau egwyddorion y Llysfwytawyr
• Rhoi trefn ar Fwydlysyddiaeth

YN YSTYRIED TROI'N LLYSFWYTÄWR?

• Yn ôl Cymdeithas y Llysfwytawyr, y diffiniad o lysfwytäwr yw "rhywun nad yw’n bwyta pysgod, cig, nac adar" ac sydd hefyd yn osgoi isgynhyrchion anifeiliaid megis gelatin a cheuled anifail, sydd yn bresennol mewn caws. Gall llysfwytawyr fwyta bron popeth arall, sef ffrwythau, llysiau, cnau, grawn, ffa a hadau.



• Nid yw pob llysfwytäwr yn bwyta wyau buarth na chynnyrch llaeth, ac felly ceir y dosbarthiadau canlynol i ddynodi’r mathau gwahanol o ymborth llysfwytäol :-
  
  

  Wyau-Llaethlysfwytäwr (Lacto-ovo-vegetarian):

  Y diet mwyaf cyffredin ymysg cigymwrthodwyr, lle bwyteir wyau buarth a chynnyrch llaeth.
  

  Llaethlysfwytäwr (Lacto-vegetarian):

  Dim wyau yn y diet, ond ceir cynnyrch llaeth.
  

  Wyau-Llysfwytäwr (Ovo-vegetarian):

  Dim cynnyrch llaeth yn y diet, ond bwyteir wyau.
  

  Fegan (Vegan):

  Nid yw’r diet hwn yn caniatáu bwyta cynnyrch llaeth, wyau, nac unrhyw gynnyrch arall sy’n deillio o anifeiliaid na physgod.



• Mae’r penderfyniad i droi’n gigwrthodwr / gigwrthodwraig yn galw am ymchwil fanwl, er mwyn i chi farnu pa ddiet sy’n fwyaf addas i chi, ac i sylweddoli pa fwydydd sy’n iawn, a pha rai sy’n waharddedig. Hefyd, mae pryder fod llysfwytawyr yn anwybyddu rhai maetholion angenrheidiol sy’n bresennol yn ymborth y sawl sy’n bwyta cig.



• Felly mae’n bwysig fod pob cigwrthodwr yn sicrhau bod eu diet yn cynnwys digon o brotein, fitamin B12, haearn, calsiwm a sinc, er mwyn cadw’n iach. Os ydych yn ystyried troi at ddiet llysfwytäol a bod gennych unrhyw amheuon ynglyn â’ch iechyd, gallwch siarad â’ch meddyg teulu neu’ch dietegydd i gael y cyngor priodol.