• Gwreiddiau Bwydlysyddiaeth
• Cryfhau egwyddorion y Llysfwytawyr
• Rhoi trefn ar Fwydlysyddiaeth

BWYDLYSYDDIAETH HEDDIW

• Heblaw am yr agweddau amgylcheddol, mae’r ofnau sy’n gysylltiedig â’r diwydiant cig (e.e. BSE, listeria, clwyf traed-a-genau, a salmonela) wedi peri i bobl ystyried yr hyn maent yn ei fwyta. Mae llawer o bobl yn y Gorllewin wedi penderfynu troi’n llysfwytawyr oherwydd ei fod yn ddewis mwy iach a diogel. Yn wir, mae’r sylw ar fyw’n iach yn fwy amlwg nawr nag erioed, a dywedir ein bod yn bwyta llai o gig nag erioed, wrth i’r gwerthiant o gig barhau i ddisgyn.



• Y wlad sydd â’r nifer fwyaf o lysfwytawyr yw India - diolch i oruchafiaeth y crefyddau Hindw a Bwdaeth. Dywedir bod o gwmpas 4 miliwn o lysfwytawyr yn y Deyrnas Unedig ond, yn ôl arolwg a wnaethpwyd gan Asiantaeth Safonau Bwyd ym 2002, dim ond 4% o gartrefi yng Nghymru sy’n cynnwys o leiaf un aelod sy’n gigwrthodwr.



• Gyda lledaeniad bwydlysyddiaeth, mae diwydiant enfawr wedi tyfu, sydd bellach yn werth sawl miliwn o bunnoedd. Mae tai bwyta, arlwywyr, archfarchnadoedd a gwneuthurwyr bwyd wedi dod yn ymwybodol o faint y farchnad. Gallwch brynu ystod eang o brydau parod, byrgers, selsig, amnewidyn bacwn, pates, llenwadau brechdanau ac yn y blaen, y cyfan wedi’u dyfeisio er mwyn gwneud y profiad o fwyta’n llysfwytäol mor bleserus â phosibl.