2 llwy de o olew llysiau
2 1/2 pwys o Gig oen- wedi ei dorri i giwbiau mawr
2 winwnsyn - wedi torri'n giwbiau
4 clôf o arlleg - wedi torri'n fân
3 pupur coch -wedi torri'n giwbiau
Darn 1 - o sinsir ffres - wedi torri'n fân
1 darn o lemwnwelltyn - wedi malu'n fân
2 chilli poeth - wedi torri'n fân
50g o palm sugar neu siwgr brown
2 beint o stoc cig oen
1 llwy fwrdd o Nam Pla (Saws Thai)
Croen 1 Oren
1 llwy fwrdd o biwrî tomato
2 dun o laeth coconyt
Bwnsied o goriander ffres - wedi torri'n fân

Twmplenni Coriander a Leim
10 owns o flawd
4 owns o siwet
Croen 2 leim
Bwnsied o goriander - wedi torri'n fân
1/2 winwnsyn - wedi torri'n fân
4 owns hylifol o laeth
1 wy - wedi ei guro
Halen Môn a phupur du

DULL

Cynheswch yr olew mewn dysgl caserol mawr. Rhwbiwch y cig gyda halen a phupur a browniwch fesul ychydig yn y badell. Rhowch y cig i'r ochr.

Yn yr un badell, coginiwch y winwns a'r garlleg am ryw ddwy funud cyn ychwanegu'r pupur coch, sinsir, lemwnwelltyn a'r chilli a browniwch hwy. Ychwanegwch y piwrî a coginiwch am ryw 4 munud cyn ychwanegu'r stoc, Nam Pla, siwgr a chroen yr oren a'r darnau o gig oen a cymysgwch hwy'n dda.

Rhowch yn y ffwrn ar wres o 180° am awr a hanner.

Twmpleni Coriander a Leim
Mewn powlen fawr cymysgwch y siwet, blawd, halen a phupur, winwnsyn, croen y leim a'r coriander gyda'i gilydd. Yna ychwanegwch yr wy a'r llaeth. Cymysgwch a gwnewch beli bychain o'r gymysgedd.

Ar ôl awr a hanner o goginio, tynnwch y caserol o'r ffwrn ac ychwanegwch y twmplenni, llaeth coconyt, ychydig o'r coriander, a'u rhoi nôl yn y ffwrn am hanner awr arall.

Gweinwch gyda choriander ffres.

RHAGLENNI

ARCHIF RHAGLENNI

MWY