y cig:
4 stecen o goes cig oen Cymreig
1 lemwn - croen a'r sudd
3 llwy fwrdd o wirod eirin duon
2 lwy fwrdd o olew olewydd
menyn - i ffrio

stwffin bara lawr:
1 winwnsyn - wedi ei dorri'n fân
dyrned o bersli ffres - wedi ei dorri'n fân
dyrned o saets ffres - wedi ei dorri'n fân
2 ewin o arlleg - wedi eu torri'n fân
½ torth fach - wedi'i briwsioni
1 wy - wedi'i guro
2 lwy fwrdd o fara lawr ffres
4 llwy fwrdd o geirch
halen Môn
pupur du

y saws
6 eirin (damsons) - heb y cerrig
2 wydred o win coch
1 llwy fwrdd o finegr balsamaidd
15 ml/½ owns hylif o hufen sengl

DULL

Y Cig:
Tynnwch yr asgwrn allan o bob stecen. Rhowch binsied dda o halen a phupur trostynt a gadewch y cig i fwydo dros nos yn y gwirod, y sudd a chroen y lemwn. Cynheswch yr olew a'r menyn mewn padell ffrio a choginiwch y cig am tua 3-4 munud i selio'r cig. Rhowch i'r ochr mewn tun rhostio gan gadw'r sudd yn y badell ar gyfer y saws.

Stwffin Bara Lawr:
Mewn powlen fawr, cymysgwch y winwns, persli a'r 'sage' cyn ychwanegu'r briwsion, garlleg a'r bara lawr. Ychwanegwch wy, halen a phupur a chymysgwch y cyfan yn dda. Siapiwch y stwffin yn beli bach a'u rholio mewn ceirch. Gosodwch y peli o stwffin yn y twll yn y cig lle bu'r esgyrn a'u pobi mewn popty twym am 15-20 munud.

Y Saws:
Yn y ffreipan lle bu'r cig yn ffrio, cynheswch y gwin, yr eirin a'r finegr balsamaidd a gadewch i leihau cyn ychwanegu'r hufen. Gweinwch y cig gyda llysiau ffres o'ch dewis.

RHAGLENNI

ARCHIF RHAGLENNI

MWY