500g/1pwys 2owns o gig eidion - wedi'i giwbio
2 lwy fwrdd o olew olewydd
2 lwy fwrdd o biwrî tomato
1 winwnsyn - wedi ei dorri'n fân
2 llwy de o fwstard Saesnig
570ml/1peint o stoc cig eidion
½ potel o gwrw - Brains SA
1 pecyn o does pwff
blawd - i rolio'r toes
1 wy - wedi ei guro
halen môn
pupur du

DULL

Rhowch halen a phupur dros y cig. Mewn padell fawr, ffriwch y cig yn yr olew nes yn frown. Tynnwch y cig o'r badell a'i adael i orffwys. Yn yr un badell, ffriwch y winwns nes yn feddal ac yna ychwanegwch y piwre tomato a'r mwstard a'u cymysgu'n dda. Ychwanegwch y cwrw a'r stoc a gadewch i leihau am ychydig ac yna rhowch y cig yn y badell a mudferwch am awr neu nes bod y cig yn dyner. Pwysig! Gadewch i'r gymysgedd oeri cyn llenwi'r toes. Rholiwch becyn o 'Puff Pastry' mas yn haenen denau o does. Torrwch gylchoedd o does ohono a'u gosod mewn tun pobi pastai fach, gan gadw digon o does i'r caeadau. Llenwch y toes gyda'r gymysgedd cig. Brwsiwch yr wy dros y caeadau a gosodwch hwy ar ben y bastai. Gwnewch dyllau bychain yn y caeadau cyn eu pobi ar wres o 200°C am 20 munud. Bydd amser coginio'r cig yn ddibynnol ar ba fath o gig yr ydych yn prynu.

RHAGLENNI

ARCHIF RHAGLENNI

MWY