4 tafell o fara gwyn - crystiau wedi torri
150g o friwgig porc
150g o friwgig cyw iâr
1 llwy fwrdd o bersli ffres - wedi torri'n fân
1 llwy fwrdd o fint - wedi torri'n fân
1 winwnsyn - wedi ei gratio
½ llwy de o bowdwr cwmin
1 wy
¼ cwpan o gaws ‘Kefalotyri' neu ‘parmesan'
½ cwpan o flawd plaen
Halen Môn a phupur du
Olew yr olewydd i ffrio

DULL

Mewn powlen, gorchuddio'r bara â dwr. Yna, gwasgu cymaint ag sy'n bosib o'r dwr allan.

Mewn powlen fawr cymysgu'r bara, briwgig, persli, mint, winwns, cwmin, wy, caws ac ychydig o halen a phupur gyda'i gilydd. Yna, gyda dwylo, cymysgu'r cynhwysion at ei gilydd nes yn llyfn. Eu gorchuddio a'u rhoi yn yr oergell am 30 munud.

Rhoi'r blawd ar blât a gyda dwylo rholio'r gymysgedd i mewn i beli bach.

Cynhesu'r olew mewn ffreipan. Gorchuddio'r peli gydag ychydig o flawd.
Ffrio'r peli, ychydig ar y tro, am tua 3-5 munud, nes bydd y cig wedi coginio a brownio. Eu rhoi i orffwys ar bapur gegin a'u gweini yn boeth.

RHAGLENNI

ARCHIF RHAGLENNI

MWY