paced o does 'choux'
150ml/5¼owns hylif o ddwr
150ml/5¼owns hylif o laeth
110g/4owns o fenyn
pinsied o siwgr man (caster sugar)
pinsied o halen
150g/5¼owns o flawd plaen - wedi'i ridlo
5 wy
1 wy wedi'i guro - ar gyfer ‘glazing'

crème patissiere:
300ml/10½owns hylif o laeth
1 pod fanila
4 melyn wy
60g/2¼owns o siwgr man (caster sugar)
25g/1owns o flawd plaen

DULL

Arllwyswch y dwr a'r llaeth mewn i sosban ynghyd â thalp o fenyn ac yna berwch y cyfan. Mewn sosban arall, toddwch y siwgr man mewn ychydig o laeth cyflawn. Ychwanegwch flawd plaen, dwr a menyn at y llaeth a chymysgwch yn dda er mwyn creu pâst heb lympiau. Gadewch i oeri.

Crème Patissiere:
Holltwch un 'pod vanilla' a chrafwch yr hadau i ffwrdd cyn eu hychwanegu at y llaeth a'r siwgr a berwch am ychydig. Mewn powlen, curwch y 4 melyn wy a'r siwgr man yn dda. Yna, ychwanegwch flawd plaen at y gymysgedd a churwch nes ei fod yn llyfn. Arllwyswch y llaeth twym mewn i'r bowlen a'i gymysgu'n dda er mwyn arbed lympiau. Trosglwyddwch i sosban lan a choginiwch ar wres isel am bum munud gan gofio i'w droi'n gyson.

Yna, ewch yn ôl at y gymysgedd toes, ychwanegwch wyau fesul un a churwch yn dda cyn peipio'r toes ar dun pobi. Brwsiwch y toes gydag wy a choginiwch am ugain munud ar wres o 180oc. Ar ôl iddynt oeri, mae angen llenwi pob un gyda crème patissiere cyn adeiladu twr o broffiterols ar blât. Taenwch siocled plaen wedi'i doddi drostynt ac ychydig o siwgr a chroen oren.

RHAGLENNI

ARCHIF RHAGLENNI

MWY