2 Fillet Cig Eidion (200g yr un)
25g o Fenyn Sir Gâr
2 Shallot - wedi torri'n fân
1 gwydred o Win gwyn (Chardonnay)
¼ peint o Stoc Cig Eidion da
12 o Fadarch Morels (sych) - wedi socian mewn dwr
6 Madarch Brown Cape/Chestnut - wedi torri'n fan
Dyrned o Fadarch Chantrell (sych) -wedi socian mewn dwr
Joch o Win Madeira
Joch o Hufen sengl
Halen Môn a Phupur du

DULL

Cadw'r dwr o'r madarch sych ar gyfer stoc y saws nes ymlaen.

Cynhesu'r Padell ffrio, ychydig o fenyn a halen a phupur dros y cig.
Eu coginio am ryw ddwy funud ar y ddwy ochr.
Os i chi am y cig wedi coginio mwy fe fydd angen mwy o amser.
Tynnu'r cig o'r badell i orffwys.

Yn yr un badell, cynhesu'r menyn a meddalu'r sialóts a'r madarch.
Ychwanegu joch o win Madeira a gwydred o win gwyn, gadael i ffrwtian am ychydig.
Ychwanegu'r stoc cig eidion a stoc y madarch.
Yna eu hidlo i greu saws llyfn.

Yn olaf ychwanegu'r morels a joch o hufen a'I cynhesu trwyddo.

Llwyo'r saws dros y cig i weini.

RHAGLENNI

ARCHIF RHAGLENNI

MWY