Y rib eidion:
3 rib o eidion, ar dymheredd ystafell
1 tun o wystrys wedi eu mygu, tynnu'r wystrys o'r tun ac ychwanegu'r winwns a'u cymysgu'n dda
Persli ffres
1 winwnsyn neu 2 shibwnsyn, wedi torri'n fân
Pupur du

Y saws betys:
4 o fetys maint canolig ffres neu rai wedi eu coginio'n barod
6 o fetys bach ffres neu rai wedi eu coginio'n barod
5-6 fl oz o win coch
1 llwy fwrdd o win coch sbeislyd e.e. Shiraz - cadw peth o'r gwin yn sbar rhag ofn i'r saws fod yn rhy sych
1 llwy de o sbeis cymysg
2 clof o arlleg, wedi torri'n fân
1 llwy de o hadau coriander neu 1 llwy de o goriander wedi'i falu (ground)
1 oren mawr, sudd a'r croen
2 llwy fwrdd o siwgr demerara
½ ciwb o stoc cyw iâr
1 llwy fwrdd o bouilion cyw iâr neu ½ ciwb o stoc llysieuol
1 llwy fwrdd o bouillion llysieuol
1 pod fanila

I orffen y saws betys:
1 clof o arlleg
1 winwnsyn bach coch, wedi torri'n stribedi
1 llwy de o rhosmari ffres
½ llwy de o rhosmari sych
1 llwy de o deim ffres
½ llwy de o deim sych
5 fl oz o'r saws betys

DULL

Gwneud toriadau ar hyd ochr y rib cig eidion a stwffio wystrysen ac ychydig o'r gymysgedd winwns i bod toriad. Cau'r toriadau fel na ellir gweld y wystrys.

Gallir rhwbio croen y cig eidion gydag ychydig o fwstard sych wedi ei gymysgu ag un llwy fwrdd o halen ac ychydig o bupur du er mwyn i'r croen fod yn fwy crisp.

Coginio'r cig am 20 munud ar dymheredd o 240C ac yna troi'r gwres i lawr i 190C a choginio am 15 munud y pwys os ydych eisiau i'r cig fod yn ‘rare' neu ar gyfer ‘rare-medium' yr un faint o amser ond 15 munud ychwanegol. Ar gyfer cig wedi ei rostio'n dda, ychwanegwch 30 munud.

Pan fydd y cig yn barod, tynnu o'r ffwrn a'i adael i orffwys am o leiaf hanner awr i awr. Gorchuddio â ffoil i gadw'r gwres i mewn.

*Cadw'r sudd yn y tun i'w ddefnyddio yn y saws.

Y saws betys:
Plicio'r betys ffres neu dynnu y betys o'r pecyn a'u torri'n sleisys. Tip - gwisgwch fenyg i arbed eich dwylo rhag lliwio!

Rhoi'r betys mewn sosban ac ychwanegu'r holl gynhwysion eraill.

Dod a'r cyfan i'r berw ac yna mudferwi nes bod y betys yn dyner. 4 munud o goginio ar gyfer betys sydd eisoes wedi eu coginio. Mae amser coginio rhai ffres yn dibynnu ar y math o fetys - gall rhai gymryd 15 munud ac eraill 40 munud! Mae'n bwysig felly cadw peth o'r gwin yn sbar rhag ofn bod angen ychwanegu mwy o hylif at y betys.

Pan fydd y betys yn barod, tynnu o'r hylif a'u cadw'n gynnes. Rhidyllu'r hylif.

Bydd angen defnyddio'r tun cig i orffen y saws. Os oes gormod o saim yn y tun, tynnu peth ohono allan ond ei gadw rhag ofn.

I orffen y saws betys:
Rhoi y tun cig dros wres cymedrol a ffrio'r winwnsyn coch a'r garlleg am tua 5-6 munud. Ychwanegu'r perlysiau a choginio am tua 2 funud.

Ychwanegu saws y betys i'r tun a berwi am tua 2 funud. Gellir rhoi y betys nôl yn y saws neu weini'r betys ar wahan.

RHAGLENNI

ARCHIF RHAGLENNI

MWY