150g blawd plaen
1 llwy de o dyrmerig
1 llwy de o gwmin
½ llwy de o baprica neu bowdr chilli
250ml o ddwr
½ llwy de o halen
1 ciwcymbr
50ml o hufen sur
Bwnsied o goriander ffres
2 lemwn, 1 wedi ei chwarteru
Diferyn o olew olewydd
Halen a phupur du
1 cenhinen
2 forynen
3 shibwnsyn
2 winwnsyn coch
150ml o olew llysiau (i ffrio)
Pinsied o hadau mwstard
100g o roced

DULL

Rhoi'r blawd a'r sbeisys mewn bowlen ac ychwanegu'r dwr bob yn dipyn gan ddefnyddio llwy bren neu chwisg i greu cytew (batter) melyn. Ychwanegu'r halen a'i roi i'r ochr.

Gan ddefnyddio pliciwr tatws, torri'r ciwcymbr yn stribedi.

Cymysgu'r hufen sur â'r coriander a sudd 1 lemwn. Ychwanegu olew olewydd, halen a phupur a'i roi i'r ochr.

Torri'r llysiau i stribedi tenau (tua maint matsys hir). Rhoi olew mewn ffreipan a chynhesu tan yn dwym iawn.

Cymysgu'r llysiau, ychydig ar y tro, gydag ychydig o'r cytew. Ychwanegu pinsied o hadau mwstard. Rhoi llwyeidiau bwrdd o'r gymysgedd yn yr olew poeth. Gwneud yr un peth gyda'r holl gymysgedd – bydd angen ffrio'r bhajis ychydig ar y tro.

Gwasgu'r bhajis i lawr gan ddefnyddio cefn fforc gan sicrhau nad ydynt yn cyffwrdd ei gilydd. Ffrio am tua munud bob ochr tan yn grisp yna eu sychu ar bapur cegin.

Rhoi 2 neu 3 bhaji ar bob plât gyda dail roced a stribedi o giwcymbr.

Gweini gyda'r hufen sur a lemwn.

RHAGLENNI

ARCHIF RHAGLENNI

MWY