2 maelgi (monkfish), tynnu'r pysgod oddi ar yr esgyrn a gwaredu'r croen
8 tafell o gig moch wedi'i fygu, gwaredu'r braster (rind)
2 lwy fwrdd o ddail coriander, wedi'u torri'n fân
1 pîn-afal ffres, heb y croen, wedi'i sleisio
1 llwy fwrdd o olew yr olewydd
Halen a phupur
Ffyn coctel
16 coesyn asbaragws, wedi'u golchi, angen gwaredu'r darn gwyn.
Dwr gyda halen

Y Beurre Blanc
50g o sialots, wedi'u torri'n fân
2 lwy fwrdd o finegr gwin gwyn
4 llwy fwrdd o win gwyn
6 llwy fwrdd o ddwr
2 lwy fwrdd o hufen dwbl
175g menyn oer, wedi'i dorri'n giwbiau

DULL

Gosod dwy dafell o gig moch ar fwrdd torri a gosod un darn o bîn-afal ar ben y cig moch. Ychwanegu ychydig o'r coriander cyn gosod darn o'r maelgi ynghanol y cyfan. Plygu'r cig moch o amgylch y pysgod i greu parsel taclus. Defnyddio ffyn coctel i gadw'r cyfan gyda'i gilydd.

Twymo'r olew mewn tun rhostio a ffrio'r parseli o bysgod ar bob ochr yn ysgafn, cyn eu rhostio mewn ffwrn 180°C am 10 munud.

Mewn sosban o ddwr berw hallt, coginio'r asbaragws nes yn dyner am 7 i 10 munud, yn ôl maint yr asbaragws.

Y Beurre Blanc
Rhoi'r sialots, finegr, gwin a'r dwr mewn sosban fach a berwi er mwyn lleihau'r hylif.
Arllwys yr hufen i'r sosban a mud-ferwi nes tewhau ychydig. Tynnu'r sosban oddi ar y gwres a churo'r menyn i mewn fesul ciwb i greu saws llyfn.

I'w weini, rhoi'r parsel ynghanol y plât a'r asbaragws wrth ei ochr. Arllwys y saws dros y cyfan.

RHAGLENNI

ARCHIF RHAGLENNI

MWY