350g o ffiled o borc

Y Llenwad
Caws Nantybwla
Celeriac
Pupur du
50g o fenyn
Persli
Teim
10 tafell o ham Caerfyrddin

Y Saws
3 Afal
Siwgr man
Pinsied o nytmeg
Dwr
3 llwy fwrdd o Calvados

DULL

Agor y ffiled a'i fflatio rhwng dau ddarn o gling film.

Y llenwad:
Gratio'r caws a'r celeriac. Toddi'r menyn mewn padell ffrio ac ychwanegu'r pupur du cyn ffrio'r celeriac yn y menyn. Cymysgu'r caws a celeriac gyda'i gilydd. Ychwanegu'r persli a teim a chymysgu'n dda.

Rhoi'r llenwad yng nghanol y ffiled cyn ei lapio yn yr ham a rowlio'r cyfan yn dynn yn y cling film i wneud parsel.

Stemio'r parsel dros badell o ddwr berwedig i goginio. Gadael i oeri am ychydig cyn tynnu'r cling film i ffwrdd (neu bydd y caws yn rhedeg allan).

Ffrio'r parsel mewn padell ffrio i frownio'r tu allan cyn rhoi ar blât.

Y saws:
Yn yr un badell ffrio a ddefnyddiwyd i ffrio'r porc, rhoi'r afalau i mewn a'u ffrio. Toddi'r siwgr mân yn y dwr ac ychwanegu at yr afalau ac yna ychwanegu'r nytmeg at yr afalau. Ychwanegu'r calvados a gadael y cyfan i ffrwtian am ryw 10 munud.

RHAGLENNI

ARCHIF RHAGLENNI

MWY