2 ffiled o gig eidion (200g), wedi eu glanhau a'u torri'n 2 stecen 100g
60g o fenyn
Halen a phupur du
1 shibwnsyn, wedi'i dorri'n fân
100g o fadarch gwyllt
Gwin Madeira
50ml o win gwyn
100ml o stoc cig eidion
150g o fadarch, wedi'u torri
1 llwy fwrdd o olew yr olewydd
2 maelgi
Olew trwffl
1 llwy de o bersli ffres
½ bresychen, wedi'i dorri
Hufen dwbl

DULL

Twymo ffreipan ar wres cymhedrol.

Rhwbio halen a phupur ar y naill ochr i'r cig ac yna gwneud yr un peth gyda thipyn o'r menyn. Ffrio'r stecen yn y ffreipan, 2 funud ar bob ochr cyn eu tynnu allan a'u sefyll ar blât.

Ffrio'r shibwns yn y badell stec nes yn feddal cyn ychwanegu'r madarch gwyllt i'r badell a'u ffrio nes yn frown.

Arllwys y Madeira dros y cyfan a'i fflamio cyn arllwys y gwin i mewn a'i leihau. Ychwanegu'r stoc a'i fud ferwi.

Toddi 25g o fenyn mewn ffreipan lan a ffrio'r madarch nes yn frown cyn eu trosglwyddo i blât.

Cynhesu ffreipan gydag olew yr olewydd.

Rhoi halen a phupur ar y pysgod a'u ffrio am 3 munud ar un ochr a 2 ar y llall.

Rhoi 10g o fenyn yn y ffreipan am y funud olaf a'i doddi gyda'r olew trwffl.

Yn olaf, pinsied da o bersli ar y pysgod.

Toddi 25g o fenyn mewn padell arall a ffrio'r bresych nes yn dyner. Rhoi'r hufen i mewn a'i fud ferwi.

I'w weini:
Rhoi y bresych ar y plât, y stec ar ben y bresych, yna'r pysgodyn.
Gosod y madarch ar ben y cyfan a'r saws o amgylch y plât

RHAGLENNI

ARCHIF RHAGLENNI

MWY