2 ddeilen bae
300g o fenyn
200g o flawd plaen
4 litr o laeth
1 winwnsyn cyfan, heb y croen
6 winwnsyn, wedi torri'n fân
6 clôf, wedi eu gwthio i mewn i'r winwnsyn cyfan
Halen a phupur du
3 llwy fwrdd o olew olewydd
6 clôf o arlleg, wedi torri'n fân
4 courgette, wedi eu torri'n giwbiau a'r hadau wedi eu tynnu allan
2 aubergine, wedi eu torri'n giwbiau a'r hadau wedi eu tynnu allan
500g o fadarch gwyn, wedi eu chwarteru
3 llwy fwrdd o biwrî tomato
3 tun o domatos wedi eu malu
Caws Parmesan wedi gratio
Haenau pasta lasagne, wedi eu coginio o flaen llaw ychydig yn ôl cyfarwyddiadau'r pecyn
4 paced o basil ffres

DULL

Y saws Bechamel
Mewn sosban, cynhesu'r llaeth, gyda'r winwns a'r ddeilen bae. Gadael i sefyll am 15 munud.

Toddi'r menyn a chymysgu'r blawd i greu roux.

Arllwys y llaeth fesul tipyn at y roux gan ei gymysgu'n dda a choginio am 10 munud ar wres isel.

Ychwanegu halen a phupur i'r saws.

Y llysiau
Cynhesu'r olew mewn sosban fawr a ffrio'r winwns a'r garlleg nes eu bod yn feddal.

Ychwanegu gweddill y llysiau a ffrio'r cyfan. Dylai'r llysiau fod yn grisp a heb eu gor-goginio.

Ychwanegu'r piwrî a'r tomatos at y gymysgedd a mud ferwi am ddeg munud.

Y lasagne
Rhoi haenen o lysiau, pasta lasagne, saws bechamel ac ail adrodd y broses nes bod y ddysgl wedi'i llenwi. Gorchuddio top y lasagne gyda chaws Parmesan wedi'i gratio cyn ei roi dan y gril.

RHAGLENNI

ARCHIF RHAGLENNI

MWY