2 sgwid wedi glanhau, toriadau wedi'u cwneud ar y croen a'u torri'n sgwariau 5cm
8 corgimychiaid mawr, heb y plisgyn a chael gwared o'r gwythiennau
15g basil ffres, torri'n fân
15g mintys, torri'n fân
15g coriander, torri'n fras
2 llwy fwrdd o gnau wedi eu rhostio a'u malu
1 leim (opsiyniol), wedi ei chwarteru i weini

Dresin
2 llwy fwrdd o sudd leim
2 llwy fwrdd o saws pysgod Thai
1 llwy fwrdd o saws chili melys
1 llwy de o olew sesame
2 llwy de o siwgr
3 winwnsyn bach, torri'n fân
1 chili coch, tynnu'r hadau, torri'n fân
2 shibwnsyn, sleisio

DULL

Potsio y sgwid mewn pot o ddwr a halen, mudferwi am tua munud neu nes fod y sgwid wedi cyrlio.

Tynnu allan a'u rhoi ar blât.

Ychwanegu y corgimchiaid i'r dwr, mudferwi am tua 2 i 3 munud nes iddynt droi yn binc a'n gadarn.

Draenio'r cyfan yn dda.

Dresin
Curo y sudd leim, saws pysgod Thai, saws chili melys, olew a siwgr gyda'i gilydd, nes i'r siwgr feddalu.

Ychwanegu'r winwns bach, chili coch a'r shibwns i'r cymygedd a throi'n dda.

Gorchuddio'r sgwid a'r corgimychiaid gyda'r dresin.

Ychwanegu'r perlysiau a chymysgu'r cyfan yn ysgafn.

Rhannu'r salad ar blatiau, gwasgaru'r cnau o gwmpas y salad, rhoi'r pysgod ar y top a gweini gyda'r leim ar y top.

RHAGLENNI

ARCHIF RHAGLENNI

MWY