Y gwaelod:
4 oz o fenyn
12 oz o fisgedi Berffro, wedi eu malu'n fân
1 llwy fwrdd o wisgi

Y llenwad:
8 oz o gaws hufen, wedi ei chwipio
2 oz o siwgr caster
10fl oz o hufen dwbl
1 llwy fwrdd o wisgi

Y haenen uchaf:
8 oz o fafon
2 lwy fwrdd o fêl
3 llwy de o arorwt
1 llwy de lefel o siwgr caster
5 fl oz o hufen chwipio
2 lwy fwrdd o wisgi

DULL

Y gwaelod:
Toddi y menyn mewn sosban, ychwanegu'r wisgi a'r bisgedi.

Cymysgu'r cyfan yn dda a'i wasgu i dun cacen â gwaelod rhydd.

Oeri am tua hanner awr mewn oergell.

Y llenwad:
Curo'r caws hufen a'r siwgr gyda'i gilydd.

Chwipio'r hufen a'r wisgi nes ei fod yn bigau meddal yna ei ychwanegu i'r gymysgedd hufen. Cymysgu'n dda.

Y haenen uchaf:
Mwydo'r mafon yn y mêl a'r wisgi am tua hanner awr.

Hidlo'r mafon a chadw 4 owns hylifol o'r sudd, efallai bydd angen ychwanegu mwy o wisgi i gael 4 owns hylifol.

Cymysgu'r arorwt mewn 2 owns hylifol o'r sudd i greu past.

Cynhesu'r siwgr gyda gweddill y sudd nes ei fod bron a berwi yna cymysgu'r past arorwt. Cymysgu'r cyfan nes ei fod yn tewhau a'n sgleinio.

Ychwanegu'r mafon i'r gymysgedd a gadael y cyfan i oeri.

Taenu'r gymysgedd mafon dros y llenwad.

Chwipio'r hufen gyda 1 llwy fwrdd o'r wisgi nes ei fod yn bigau meddal ac addurno'r gacen gaws.

Taenu 1 llwy fwrdd o wisgi dros ben y gacen cyn gweini.

RHAGLENNI

ARCHIF RHAGLENNI

MWY