500-600g betys (rhyw 3-5 maint afal) – wedi’u gratio’n fras neu’u torri’n ddarnau bach
500g tomatos aeddfed wedi’u haneri
1 ewin garlleg – wedi’i dorri’n fras
1 winwnsyn – wedi’i dorri’n fân
2 lwy fwrdd olew’r olewydd / olew blodyn yr haul
500ml stoc llysiau
Halen a phupur du
125g caws Feta

DULL

Rhoi’r tomatos mewn dysgl bobi. Ychwanegu’r garlleg a hanner yr olew. Eu rhostio am 25-30 munud mewn ffwrn weddol boeth (190’C/375F/Nwy 5) nes eu bod yn feddal. Eu hidlo er mwyn cael gwared ar y croen a’r hadau.

Twymo gweddill yr olew mewn pan a choginio’r winwnsyn nes yn feddal. Ychwanegu’r betys a’r stoc a dod â’r cyfan i’r berw. Sesno’n ysgafn gyda halen a phupur du. Mudferwi am ryw 7-10 munud nes bod y betys yn dechrau meddalu.

Ychwanegwch y saws tomato a rhoi’r cawl mewn prosesydd bwyd. Ei flendio nes yn gwbl lyfn.

Ei flasu ac ychwanegu mwy o halen a phupur os oes angen.

I’w weini’n oer, rhoi’r cawl yn yr oergell. Pan fyddwch yn barod i’w weini, ei rannu rhwng chwe phowlen.
Gan ddefnyddio’ch bysedd, rhowch ychydig o friwsion o feta ar ben pob un. Mae ychydig o fetys amrwd wedi’i ratio’n edrych yn dda wedi’i wasgaru ar ben y cawl oer.

Er mwyn gweini’n boeth, ail dwymo’r cawl nes ei fod yn boeth – ond heb ei ferwi. Ei roi mewn powlenni cynnes gan ychwanegu ychydig o friwsion o feta i bob powlen.

Gweini gyda bara ffres.

RHAGLENNI

ARCHIF RHAGLENNI

MWY