1 cranc - wedi coginio
570ml/1 peint o ddwr
2 ewin o arlleg
1" o sinsir - wedi'i dorri'n fân
2 llwy fwrdd o siwgr
1 llwy fwrdd o saws soy
1 llwy de o saws pysgod Thai (nam pla)
sudd 1 leim
1 chilli coch
blawd India corn a dwr - wedi'u cymysgu
3-4 shibwns - wedi'u torri'n fân
coriander ffres - wedi'i dorri'n fân

DULL

Cynheswch y dwr mewn sosban a choginiwch y garlleg, sinsir, siwgr, saws soy a'r saws Thai dros wres uchel am bum munud. Yna ychwanegwch sudd un leim, un chilli goch, neu ddigon yn ôl eich dewis personol. I dewhau'r saws, cymysgwch lwyaid dda o flawd india corn gyda dwr i greu pâst tenau, yna'i arllwys yn raddol i'r saws nes bod y saws yn tewhau. I roi lliw a mwy o flas i'r saws, ychwanegwch shibwns a goriander wedi eu torri'n fân ar y funud olaf i'r saws. Tynnwch y cig allan o grafangau'r cranc a'i gymysgu gyda gweddill y cig meddal. Ar ôl paratoi'r cranc, arllwyswch y saws dros y cig a'i bobi mewn ffwrn boeth am ddeg munud.

RHAGLENNI

ARCHIF RHAGLENNI

MWY