YR EOG

2 ddarn o eog – ffiled (eog gwyllt os y medrwch)
Pinsied o bupur
Pinsied o halen
2 llwy de siwgr eisin
2 llwy de powdwr pum sbeis Tsieineaidd
1 llwy fwrdd o olew olewydd

GWELY’R EOG

1 llwy fwrdd olew olewydd
½ chili coch – tynnu’r hadau a malu’n fân
½ modfedd o sinsir – tynnu’r croen a malu’n fân
¼ bresych gwyn – wedi sleisio’n fân
1 llwy de o siwgr eisin
2 seren anis
75g syltanas
75ml sieri
25ml finegr gwin gwyn
50g o egin ffa (beansprouts)

DULL

YR EOG

Gwneud 2 i 3 toriad gyda chyllell siarp yng nghroen yr eog.

Rhwbio pupur, halen, siwgr eisin a’r powdwr pum sbeis tsieineaidd i’r croen.

Cynhesu’r olew yn y badell a rhoi’r eog yn y badell – croen yn gyntaf.

Coginio’r eog tan fod y croen yn crino a charamaleiddio.

Troi’r eog a’i goginio am ychydig funudau tan fod yr eog yn barod.

Ei dynnu o’r badell a’i adael i orffwys.


GWELY’R EOG

Cynhesu’r olew mewn padell ffrio.

Ychwanegu’r bresych gwyn a’i ffrio gyda’r chili, sinsir a’r siwgr eisin am ychydig funudau.

Ychwanegu’r seren anis yna'r syltanas.

Cymysgu’r cyfan yn dda a’i adael i goginio tan fod y bresych yn dyner.

Ychwanegu’r sieri a’r finegr gwin gwyn a’i adael i ffrwtian a lleihau am ryw 3 i 4 munud.

Ychwanegu’r egin ffa a’i goginio am 2-3 munud.

Rhoi’r gymysgedd bresych a’r egin ffa ar blât a gosod yr eog ar ei ben.

RHAGLENNI

ARCHIF RHAGLENNI

MWY