4 x 8 owns lleden lefn (neu pysgodyn tebyg ee. lleden smotiau coch neu cathfôr)

SALSA
1 mango bach – tynnu’r croen a’i dorri’n giwbiau
1 pupur coch – tynnu’r hadau a’i dorri’n fân
8 tomato bach – wedi’u cwarteru
1 winwnsyn coch – torri’n fân
Pinsiad o siwgr
1 chili coch – tynnu’r hadau a’i dorri’n fân
1 llwy de olew olewydd
2 llwy fwrdd o fineg reis
1 leim – croen wedi’i gratio a sudd yn unig
Halen môr
Pupur du
Coriander – i’w weini

DULL

SALSA
Cymysgu y mango, pupur coch, tomatos a’r winwynsyn gyda’u gilydd.

Ychwanegu’r siwgr, chili, finag, olew, croen a sudd y leim i’r gymysgedd a’i adael i o sefyll am 30 munud.

PYSGODYN
Gosod y pysgod ar fwrdd a’u torri yn eu hanner ar eu hyd . Rhoi llwyed o’r salsa ar gynffon y filed gyda phinsiad o halen a phupur a’u rholio yn daclus.

Rhoi y pysgod ar ddarn o haenen lynu a’u rholio’n dyn gan selio’r ochrau i greu siap cracyr.

Hanner llenwi padell ddofn gyda dŵr berw a gosod y parseli bach yn ofalus yn y badell.

Gorchuddio’r badell gyda caead a’u coginio am 5-6 munud.

Gosod y pysgod ar fwrdd paratoi, tynnu yr haenen lynu yn ofalus a rhoi y parseli o bysgod ar blat gyda darnau o goriander.

RHAGLENNI

ARCHIF RHAGLENNI

MWY