1.4kg/3 pwys o gig eidion Cymraeg - wedi'i dorri i giwbiau
olew olewydd
2 giwb stoc cig eidion
2 lwy de o baprica
1 llwy fwrdd o bowdr chilli
2 winwnsyn - wedi eu torri'n ciwbiau
4 ewin o arlleg - wedi eu torri'n fân
2 llwy fwrdd o biwrî tomato
1 llwy fwrdd o siwgr brown
2 dun o domatos - wedi eu torri'n fân
4 chilli coch a'r hadau - wedi eu torri'n fân
1 litr/2 beint o ddwr
2 lwy de o bowdr cwmin
500g/1 pwys 2 owns o datws newydd Sir Benfro - heb eu goginio, wedi eu haneru
2 dun mawr o ffa Ffrengig (kidney beans)
sudd ½ leim
halen môn
pupur du

i weini
reis - wedi'i ferwi neu ddarnau o fara ffres
hufen sur
dyrnaid o goriander ffres - wedi'i dorri'n fân

DULL

Mewn sosban fawr, browniwch y cig eidion yn yr olew. Ychwanegwch binsied o bupur du, paprika, powdr chilli a'r ciwbiau stoc a cymysgwch yn dda. Ychwanegwch y winwns a'r garlleg a choginiwch nes yn frown. Cymysgwch y biwrî i fewn i'r gymysgedd a choginiwch am ychydig o funudau cyn ychwanegu'r siwgr, tomatos, chillis, dwr a'r cwmin. Cymysgwch y cyfan yn dda a berwch yna mudferwch am 1 awr. Ychwanegwch y tatws a'r ffa a mudferwch y cyfan am 30 munud ychwanegol. Ychwanegwch y sudd leim cyn gweini. Gweinwch gyda reis neu ddarnau o fara ffres, llwyed o hufen sur a choriander ffres.

RHAGLENNI

ARCHIF RHAGLENNI

MWY