ysgwydd o gig oen Preseli (heb yr asgwrn) - wedi'i chwarteru
2 lwy de o bowdr paprica
2 lwy fwrdd o olew olewydd
pinsied dda o hadau cwmin
5 ewin o arlleg - wedi eu sleisio'n denau
halen mon
pupur du

y saws
2 lwy fwrdd o olew olewydd
3 coesyn o seleri - wedi eu sleisio
3 moronen - wedi eu torri'n fân
1 winwnsyn - wedi eu torri'n fân
1 llwy fwrdd o biwrî tomato
½ potel o win coch (o safon da)
1 litr /2 beint o stoc cig oen twym
dyrned o goriander ffres - wedi ei dorri'n fân
croen ½ lemwn

DULL

Mewn ffreipan, seliwch y cig yn yr olew. Rhowch halen, pupur a phaprika ar y cig ac ychwanegwch yr hadau cwmin a'r garlleg at y cig a'u brownio. Rhowch y cig i'r ochr. Gan ddefnyddio ffreipan y cig, cymysgwch y piwrî tomato gyda'r darnau bach o gig sy'n weddill ar waelod y badell, yna ychwanegwch y gwin a'i leihau. Ychwanegwch y stoc a mudferwch am tua 5 munud. Cymysgwch y coriander a chroen y lemwn i fewn i'r saws. Mewn padell ddwfn, meddalwch y llysiau mewn olew a gadewch iddynt chwysu dan gaead am ryw 3-4 munud. Rhowch y darnau o gig oen ar ben y llysiau ac arllwyswch y saws dros y cyfan. Coginiwch mewn ffwrn poeth (160C) am 2 awr. Ar ôl i'r cig goginio, hylifwch y llysiau i greu saws llyfn. Gweinwch gyda llysiau o'ch dewis.

RHAGLENNI

ARCHIF RHAGLENNI

MWY