4 darn o gyw iâr - wedi eu torri'n stribedi

y marinâd
2 lwy fwrdd o olew olewydd
1 llwy de o bowdr sinsir
2 chilli gwyrdd wedi eu torri'n fan
50g/2 owns o biwrî tomato
25g/1 owns o bâst madras
3 ewin o arlleg - wedi eu malu'n bâst
1 llwy de o bowdr cwmin
1 llwy de bowdr coriander
dyrned o goriander ffres - wedi eu torri'n fân
dyrned o fintys ffres - wedi eu torri'n fân
300 ml/½ peint o iogwrt
sudd 2 lemwn

y saws
2 lwy fwrdd o olew
3 ewin o arlleg darn 1" o sinsir ffres - wedi ei blicio a'i falu i greu past
1 llwy de o bowdr chilli
1 llwy de o chilli sych
1 llwy fwrdd o biwrî tomato
1 llwy de o dyrmerig (turmeric)
1 llwy de o bowdr coriander
1 llwy de o garam masala
1 llwy de o bowdr cwmin
350g/12 owns o domatos tun - wedi eu torri'n fân
300ml/½ peint o ddwr
1-2 llwy de o siwgr
4 chilli coch - wedi eu torri'n fân
1 llwy fwrdd o bâst madras

DULL

Y marinâd
Cymysgwch holl gynhwysion y marinâd mewn bowlen heblaw am y cyw iâr. Rhowch y cig yn y marinâd a gadewch yn yr oergell dros nos. Cynheswch ychydig o olew mewn ffreipan a choginiwch y darnau o gig (gallwch hefyd eu coginio o dan gril poeth neu ar farbeciw). Gallwch fwyta'r cyw iâr gyda salad heb y saws.

Y saws
Cynheswch yr olew mewn sosban neu ffreipan ddwfn. Ychwanegwch y past, y garlleg a'r sinsir a'u cynhesu cyn ychwanegu'r powdr chilli a'r chilli sych a'u coginio am tua 2 funud. Yna cyfunwch y piwrî tomato, tyrmerig, coriander, garam masala a'r cwmin a'u coginio ar wres isel am 5 munud gan fod yn ofalus rhag eu llosgi. Yn olaf, ychwanegwch y tomatos, y dwr, siwgr, chilli a llwyed o bâst madras a mudferwch hwy ar wres isel iawn am awr. Ychwanegwch y cyw iâr i'r sosban tua 5 munud cyn i'r awr ddod i ben er mwyn i'r cyw iâr gynhesu'n iawn. Gweinwch gyda reis.

RHAGLENNI

ARCHIF RHAGLENNI

MWY