Dudley'n gosod yr her anoddaf erioed wrth i wyth seren fentro i'r gegin.
Yn nosweithiol rhwng 27 a 30 Rhagfyr, bydd y gyfres Dudley: Pryd o Sêr yn rhoi her a hanner i griw o selebs fyddai'n gwneud i'r cogydd mwyaf profiadol grynu yn ei ffedog.
Yr wyth seren ddewr sy'n camu i'r ffau yw: Miss Cymru 2010, Courtney Hamilton; yr actor Steffan Rhodri; Siân Lloyd, y darlledwr newyddion; yr actores Ffion Dafis; y cyflwynydd Rhodri Ogwen Williams; Hywel Davies y joci; y cyn AC Eleanor Burnham; ac un o fechgyn Only Men Aloud, Wyn Davies.
Bydd Dudley yn cadw llygad barcud ar bob cam o'r cystadlu a'i fwriad yw creu cogyddion gwerth eu halen o'r wyth.
Cyfarfod y sêr
-
Wyn Davies
Os wyt ti yn cymryd rhan mewn cystadleuaeth yna does dim pwynt bod yno os nad wyt ti eisiau ennill!
-
Steffan Rhodri
Doedd dim syniad 'da ni beth oedd yn digwydd nesa! A doedd y tasgau ddim i gyd am ba mor dda oeddech chi'n gallu coginio.
-
Sian Lloyd
Roeddwn yn disgwyl bod yn rhan o gystadleuaeth goginio ond roedd y tasgau yn mynd yn lot pellach na'r gegin, ac roedd un her yn gyfle i mi goncro ofn mawr!
-
Rhodri Ogwen Williams
Roeddwn i'n arfer meddwl y bydden i'n hoffi gwithio mewn cegin, ond dwi wedi newid fy meddwl yn llwyr diolch i dasgau Dudley!
-
Hywel Davies
Dwi'n gallu coginio cinio dydd Sul, a dwi'n eithaf da ar goginio wye. Ond dwi ddim yn ymdopi'n dda o dan bwyse!
-
Ffion Dafis
Dwi yn gystadleuol yn fy maes fy hun ac wastad isho gwneud fy ngore, ond wnes ibyth meddwl y bydden ni'n cymryd cystadleuaeth goginio mor o ddifri!
-
Eleanor Burnham
Dwiyn gystadleuol, yn dawel fach. Er bod y tasgau yna anodd doedden nhw ddim hanner mor galed a gweithio ym myd gwleidyddiaeth!
-
Courtenay Hamilton
Dwi'n cyfaddef nad oeddwn i'n coginio llawer cyn ffilmio'r rhaglen. Roedd gweddill y tîm yn amyneddgar iawn yn ystod y tasgau!