Bydd Dai Jones, Llanilar yn ymweld â Sam Evans yn ardal Pennal, Machynlleth. Er bod Sam dros ei bedwar ugain oed mae ei ddiddordeb mewn hen beiriannau mor gryf ag erioed.
Yn y blynyddoedd o ddiwedd yr ail ryfel byd ymlaen, bu Sam a'i debyg yn allweddol yn yr ymdrech i godi bwyd i'r wlad. Roedd gan y llywodraeth ar y pryd ymgyrch i aredig a thrin gymaint o dir a phosib, gan gynnwys llethrau peryglus, er mwyn cynhyrchu bwyd.
Cawn dipyn o'r hanesion gan Sam yn ogystal â chyfarfod a rhai aelodau o Glwb Hen Dractorau Meirionydd sydd yr un mor frwd â Sam am yr hen beiriannau.
© 2010 S4C
O Gymru / Made in Wales