Rhaglen yn dilyn stori enillydd medal aur y ddisgen, Aled Siôn Davies MBE. Cawn glywed faint mae'r gamp eithriadol a gyflawnodd yng Ngemau Paralympaidd Llundain 2012 yn ei golygu i'r athletwr ifanc o Ben-y-bont. Edrychwn yn ôl ar ddechrau'r siwrnai, yr holl waith caled a'r paratoi, ac wrth gwrs y croeso anhygoel oedd yn aros iddo yng Nghymru fach. Bydd y rhaglen hon yn codi'r caead ar ei fuddugoliaeth Baralympaidd, a'r ffordd y bydd y llwyddiant hwn yn newid ei fywyd.
Cyfres yn cofnodi hanes ein papurau bro.
Cyfle i fwynhau holl ddrama ac angerdd perfformiadau'r seren opera Bryn Terfel o adar brith y byd opera.
Dai Jones, Llanilar yn ymweld ag Arthur Roberts a'r teulu, ar fferm Ty Draw, Bodfari, ger Dinbych. Yn ogystal â ffermio, mae Arthur yn gwerthu bwydydd anifeliaid ac yn mwynhau cystadlu mewn treialon cwn defaid.
Vaughan Roderick a'i westeion sy'n trin a thrafod y pynciau llosg yng Nghynulliad Cenedlaethol Cymru.
Ymunwch â Lisa Gwilym a llu o wynebau cyfarwydd i gofio gwersylloedd yr Urdd. Mae'r atgofion o wersylloedd Llangrannog a Glan-llyn yn llifo nôl wrth i'r gwersyllwyr a'r swyddogion gofio'r cymdeithasu, y canu a'r cerdded, yr hwyl a'r hiraeth. Cawn glywed am y chwerthin a'r crio, y doniol a'r trist wrth wylio lluniau archif gwych o'r gwersyllwyr yn y '60au a'r '70au yn profi'r bywyd agored wrth adael cartref, o bosib am y tro cyntaf. Datblygodd cyfeillgarwch oes rhwng llawer ohonynt ac mae'r profiad o fod yn y gwersylloedd wedi creu argraff barhaol ar lawer.
Portreadu plentyndod yng Nghymru drwy lygaid y plant a'u rhieni.
Eisteddfod yr Urdd 2013 o Sir Benfro.
Rhaglen gylchgrawn sy'n trin a thrafod y byd amaeth, cefn gwlad a materion gwledig. I'w ddilyn gan ragolygon y tywydd i ffermwyr ar gyfer yr wythnos i ddod.
Rhaglen gylchgrawn nosweithiol gyda straeon o bob cwr o Gymru.
Yn dilyn y ddrama heno yn seiliedig ar hanesion parti diddanu Bois y Frenni a W. R. Evans, cyfle arall i weld rhaglen ddogfen o'r archif am y prifathro ysgol gynradd, darlithydd, trefnydd iaith, arolygwr ysgolion ac eisteddfodwr brwd. Darlledwyd gyntaf ym 1986.
Person bach gyda phersonoliaeth enfawr ydy James Lusted, ac mae o wedi cyflawni sawl camp anhygoel, er gwaetha'r ffaith mai dim ond 3 troedfedd 7 modfedd o daldra ydy o. Awn ar daith bersonol gyda James er mwyn canfod o ble y daw ei nerth, a'i benderfyniad, gan glywed ganddo fo a'i deulu sut y bu iddo oresgyn pob her a ddaeth i'w ran yn sgil ei gyflwr meddygol. Ond mae un her arbennig iawn yn ei wynebu yn ystod y rhaglen. Gwelwn James yn paratoi ar gyfer ei ran fawr fel corrach ym mhanto 'Eira Wen'. Dyma wireddu breuddwyd oes - a gwneud yn fawr o'i daldra! Bydd James Lusted yn cyflwyno cyfres newydd ar S4C sy'n dechrau nos Fawrth, Taith Fawr y Dyn Bach.
Ar ddechrau Eisteddfod yr Urdd 2013, cyfle arall i glywed stori sefydlu'r cymeriad Mistar Urdd gan Wynne Melville Jones. Cawn glywed ei bwysigrwydd i ddatblygiad Yr Urdd wedi cyfnod cythryblus i'r mudiad ar ddiwedd y 1960au.
Cipolwg ar y celfyddydau gyda Lisa Gwilym.
Cyfres gylchgrawn gydag eitemau coginio a ffasiwn a chyngor am bopeth o addurno'ch cartref i ddewis llyfr da.
Mae Dewi 'Pws' Morris ar daith o amgylch tafarnau Cymru i gwrdd y bobl leol a dysgu am hanes yr ardal.
Mewn cyfres newydd, mae James Lusted, dyn tair troedfedd a saith modfedd, yn mynd ar daith o amgylch Cymru i gwrdd â phobl gydag anableddau gwahanol, er mwyn cael blas o'u bywydau. Cafodd James ei eni efo'r cyflwr Diastrophic Dysplasia, ond mae e wedi mynnu byw bywyd mor llawn â phosib, a dydy e ddim yn hoff iawn o'r gair 'anabl'. Yn y rhaglen gyntaf, bydd James yn ymweld â Charlotte Doherty yng Nghaergybi, Ynys Môn. Cafodd Charlotte ei geni gyda Pharlys yr Ymennydd, ond er ei bod mewn cadair olwyn, mae hi'n actio mewn dramâu ac yn cyflwyno rhaglen radio ar Môn FM.
Materion cyfoes o Gymru a'r byd.
Y Tywydd.
Bethan Gwanas sy'n teithio i Tsieina ar hyd Afon Yangtse i ymweld â'r rhyfeddod o argae sydd wedi dofi'r llif ac wedi trawsnewid bywydau'r bobl sy'n byw ar lannau'r afon.
