Aled

• Enw: Aled Huw Roberts

Daw Aled yn wreiddiol o fferm Plas Du, Llanrhaeadr ym Mochnant, ac mae dal i ffermio yno. Mae hefyd yn Rheolwr Fferm ar fferm Onnen Fawr, Rhos ger Wrecsam ble mae o wedi bod yn gweithio ers 14 mlynedd. Bellach mae'n byw gyda'i wraig Emily yn Bron Wylfa tu allan i Wrecsam.

Mynychodd Aled, 31, Goleg Llysfasi gyda'i fryd ar ddilyn gyrfa yn y diwydiant amaethyddol. Mae'n credu mewn rhoi 100% mewn ymdrech pob amser, a'i uchelgais yw bod yn ffermwr llwyddiannus.

"Dwi'n lecio gweithio'n galed a chwarae'n galed," meddai Aled.

"Does gen i ddim amser i bobl ddiog sydd ddim yn trio - os chi'n barod i roi yr ymdrech fewn does dim rheswm pam na allwch lwyddo," meddai.

Mae Aled wedi bod yn aelod o dîm rygbi'r Cobra, yn Meifod, am nifer o flynyddoedd gan ymddeol fel capten yn 2010. Mae'n gyn-gadeirydd Clwb Ffermwyr Ifanc Dyffryn Tanat, ac mae'n dal i gefnogi'r clwb mewn gweithgareddau fel Tynnu Rhaff.

"Dwi'n tynnu ymlaen efo pawb, ond os oes rhywun yn fy nghroesi, fydd na drwbwl!" rhybuddiodd.

Cab cyffesu: Aled