Dafydd

• Enw: Dafydd Evans

Yn 27 oed, Dafydd yw cyw bach y nyth ar aelwyd Hendreseifion, Llanwrin ger Machynlleth. Mae ganddo ddiddordeb brwd mewn ffermio, ond yn ddiweddar mae wedi adeiladu busnes peirianyddol ei hun ar y fferm. Erbyn hyn mae'n hynod brysur yn adeiladu trelars ac adeiladau fferm yn ogystal ag ambell i job contractio dymhorol. Ei uchelgais yw bod yn berchen ar ei fferm ei hun rhyw ddiwrnod.

Fel aelod brwd o Glwb Ffermwyr Ifanc Bro Ddyfi, bydd galw ar Dafydd yn rheolaidd i berfformio ar lwyfan, a chyn heddiw mae wedi gorfod gwisgo fyny mewn sawl gwisg digon rhyfedd er mwyn diddori'r gynulleidfa.

Llynedd fe deithiodd i America am wyliau ac yn ystod ei arhosiad fe redodd Farathon Efrog Newydd er mwyn hel arian at achos da cyn gwireddu breuddwyd oes o ymweld â phrif ddinas ryngwladol canu gwlad yn Nashville.

"Dwi'n ffan anferthol o Johny Cash, felly roedd yn brofiad arbennig iawn cael mynd I Nashville", meddai.

"Doedd rhedeg y marathon ddim cweit mor bleserus, ond dwi'n cael y teimlad y bydd hyd yn oed hynny, yn llawer haws na chyrraedd llinell derfyn Fferm Ffactor", ychwanegodd.

Cab cyffesu: Dafydd