Geraint

• Enw: Geraint Thomas

All Geraint Thomas ddim gwrthod sialens! Ar ôl gwylio dwy gyfres o Fferm Ffactor, doedd dim amdani i'r ffermwr godro 36 oed ond rhoi cais i mewn i gystadlu!

"Odd rhywbeth tu mewn i fi yn gwneud i mi fynd amdani," meddai cefnogwr brwd y Scarlets o Langennech ger Llanelli.

"Wy'n fachan cystadleuol iawn, ac yn hoffi sialens - wy ddim yn credu mewn cymryd pethe'n rhy seriws, ond er hynny, wy'n gwybod sut i fod o ddifri pan fo rhaid," meddai.

Dim ond ffermio oedd Geraint eisiau gwneud er pan oedd yn fachgen ifanc iawn. Pan oedd fod i adolygu ar gyfer ei arholiadau yn Ysgol Gyfun y Strade, roedd ei fam yn gorfod ei berswadio i ddod oddi ar y tractor ac i'r tŷ at ei lyfrau.

"Wnes i ddim cymryd llawer o ddiddordeb yn y gwaith yn yr ysgol, ond falle bydd rhaid i mi astudio cryn dipyn cyn wynebu cwestiynau'r Athro Wynne yng nghadair Fferm Ffactor!," meddai.

Mae Geraint yn briod â Sheryl ac mae ganddynt fab dwy oed, Gethin. Maent yn ffermio gyda'i reini ar fferm odro Tyreglwys Llangennech ger Llanelli.

"Mae Fferm Ffactor wedi dangos i'r gwylwyr cymaint o amrywiaeth o sgiliau sydd eu hangen i fod yn ffermwr da y dyddiau hyn - wy ond yn gobeithio y gallaf i wneud argraff dda," meddai.

Cab cyffesu: Geraint