S4C Gwyrdd

Emyr Penlan

Cyflwynydd Ralïo a cherddor

Ar raddfa o 1-10, pa mor wyrdd wyt ti'n meddwl wyt ti?

5

Beth yw dy arfer mwyaf gwyrdd?

Ailgylchu sbwriel, gyrru car disel, prynu/bwyta cynnyrch lleol pan yn bosibl.

Wyt ti'n gwybod beth yw dy ôl troed carbon ac wyt ti'n poeni?

Na, dwi ddim yn gwybod beth yw e, ac ydw, dwi'n poeni oherwydd fy mod yn hedfan gymaint.

Faint wyt ti'n ailgylchu?

Sbwriel, sef gwydr, metal, papur a photeli plastig.

Faint wyt ti'n ailddefnyddio?

Dillad y plant i gyd ac unwaith ry'n ni 'di gorffen gyda nhw ma' nhw'n mynd i'r siop elusen.

Pa fath o fylbiau golau sydd gen ti?

Bylbiau arbed ynni trwy'r tŷ.

Wyt ti'n compostio?

Na ond mae'r ci yn bwyta gwastraff bwyd i gyd.

Beth oedd y peth gwyrdd diwethaf wnest ti?

Dwi yn y broses o adeiladu tŷ gwyrdd (ffrâm coed) sydd wedi ei insiwleiddio'n dda gyda gwres canolog dan y llawr.

Wyt ti'n meddwl all pawb wneud gwahaniaeth?

Ydw, ond mae Prydain yn fach, mae angen addysgu'r byd.

Os daw hi i'r dilyw, beth fuaset ti'n ei achub o dy gartref – ar wahân i'r teulu?

Hen greiriau'r teulu: lluniau, hen dapiau fideo a ffilm o briodas Mam a Dad.