S4C Gwyrdd

Gareth Roberts

Cyflwynydd Y Clwb Rygbi, wyneb cyfarwydd ar S4C

Ar raddfa o 1-10, pa mor wyrdd wyt ti'n meddwl wyt ti?

(Tua) 6

Beth yw dy arfer mwyaf gwyrdd?

Rwy’n ymdrechu i lenwi bagiau gwyrdd gyda hen bapurau newydd a photeli plastig.

Wyt ti'n gwybod beth yw dy ôl troed carbon ac wyt ti'n poeni?

A bod yn onest, nac ydw. Dwi ddim yn hedfan llawer ond rwy'n defnyddio fy nghar yn ddyddiol.

Faint wyt ti'n ail-gylchu?

Rwy’n ymdrechu i ailgylchu hen bapurau newydd a photeli plastig.

Faint wyt ti'n ail-ddefnyddio?

Rwy wedi dechrau ail-ddefnyddio bagiau plastig wrth fynd i siopa, ac yn ail ddefnyddio cartonau plastig o'r 'take-away' i gadw bwyd.

Pa fath o fylbiau golau sydd gen ti?

Rhai hen ffasiwn mae arna i ofn. Ond bydd rhaid imi brynu rhai mwy gwyrdd yn y dyfodol.

Wyt ti'n compostio?

Does gen i ddim gardd, felly dwi ddim yn compostio.

Beth oedd y peth gwyrdd diwethaf wnest ti?

Wnes i roi’r bagiau gwyrdd allan neithiwr!!

Wyt ti'n meddwl all pawb wneud gwahaniaeth?

Yn bendant – ffordd o fyw ydi o, ac mae'r genhedlaeth iau yn cael ei haddysgu i fyw bywyd llawer mwy gwyrdd na fy nghyfnod i.

Os daw hi i'r dilyw, beth fuaset ti'n ei achub o dy gartref – ar wahân i'r teulu?

Fy nghap pêl-droed rhyngwladol dan 18!!