S4C Gwyrdd

Russell Jones

Cyflwynydd Byw yn yr Ardd, garddwr brwd ac ail-ddefnyddiwr penigamp

Ar raddfa o 1-10, pa mor wyrdd wyt ti'n meddwl wyt ti?

5, er, erbyn meddwl, dwi'n rhoi bin allan unwaith y mis ac yn llosgi coed nid glo, felly 6.

Beth yw dy arfer mwyaf gwyrdd?

Dwi'n taflu'r nesa peth at ddim sbwriel. Mae'r cŵn – Seren a Derwen – yn cysgu gyda fi i arbed gwres.

Wyt ti'n gwybod beth yw dy ôl troed carbon ac wyt ti'n poeni?

Nac ydw, ond dwi'n gwneud fy ngorau i beidio â llygru. Does gen i ddim car, dwi'n cadw ieir a dwi'n trio peidio rhoi unrhyw beth mewn landfill. Wrth gwrs 'mod i'n poeni - lle'r eith y cyfan yn y diwedd? Ddwedwn i mai ôl un droed sydd gen i, nid y ddwy!

Faint wyt ti'n ail-gylchu?

Popeth sy'n bosib! Mae tuniau bwyd yr anifeiliaid, caniau cwrw a photeli'n mynd i ganolfan ailgylchu Plas Dinas, lle dwi hefyd yn dod i hyd i bethau i'w hailddefnyddio.

Pob dim - mae gwerth ym mhopeth, bron. Dwi'n claddu poteli dŵr glas â'u pen i waered i ffurfio bordor i'r planhigion dyfu drostyn nhw. Dwi'n ailddefnyddio sgriwiau a dolenni oddi ar ddrysau o Blas Dinas - unwaith byddwch chi'n llosgi'r paent oddi arnyn nhw a rhoi ychydig o olew arnyn nhw, maen nhw fel newydd.

Pa fath o fylbiau golau sydd gen ti?

Y rhai arbed ynni.

Wyt ti'n compostio?

Wel, os nad ydw i'n bwyta rhywbeth, caiff y cŵn o, ac os ydyn nhw'n troi eu trwynau, mae'r ieir yn ei gael. Os nad ydyn nhw ei eisiau dydy o ddim yn werth ei gael! Dwi'n gwneud compost gyda thail yr ieir a blawd llif.

Beth oedd y peth gwyrdd diwethaf wnest ti?

Gwneud cytiau ieir allan o baletau pren.

Wyt ti'n meddwl all pawb wneud gwahaniaeth?

Ydw – tasa pawb yn gwneud un peth bob dydd, buasai hynny'n helpu.

Os daw hi i'r dilyw, beth fuaset ti'n ei achub o dy gartref – ar wahân i dy anifeiliaid?

Y grât tân – yr aelwyd ydy calon y cartref, a gallwn i adeiladu lle tân o'i gwmpas yn rhywle arall.