S4C Gwyrdd

Wyn Gruffydd

Pyndit a sylwebydd, Y Clwb Rygbi

Ar raddfa o 1-10, pa mor wyrdd wyt ti'n meddwl wyt ti?

Rhywle rhwng 7 ac 8.

Beth yw dy arfer mwyaf gwyrdd?

Ailgylchu gwastraff o’r gegin.

Wyt ti'n gwybod beth yw dy ôl troed carbon ac wyt ti'n poeni?

Dim syniad, ond gyda thaith i Dde Affrica ar gyfer y rygbi, a theithiau blynyddol i Dubai, Hong Kong ac ambell i le arall mae e'n fwy na nifer – ond dwi yn ceisio cwtogi ar siwrneiau car trwy ddefnyddio trafnidiaeth gyhoeddus pan fo hwnnw’n opsiwn.

Faint wyt ti'n ail-gylchu?

Papur newydd, poteli, gwastraff o’r gegin a’r ardd.

Faint wyt ti'n ail-ddefnyddio?

Tipyn; poteli plastig ac yn arbennig bocsys plastig o'r 'take-away'. Wy'n tanysgrifio i wefan 'Carmarthenshire Freecycle' ac wedi gwaredu eitemau i'w hailgylchu trwy honno o bryd i'w gilydd.

Pa fath o fylbiau golau sydd gen ti?

Rhai egni isel yn yr ystafelloedd hynny lle mae angen golau am amser hir, neu fel arall does dim pwrpas gan eu bod yn cymryd oes i oleuo.

Wyt ti'n compostio?

Ydw.

Beth oedd y peth gwyrdd diwethaf wnest ti?

Prynu genweirfa ['wormery'] a chasgen i ddal dŵr to ar gyfer dyfrhau'r ardd. Dwi hefyd wedi archebu rhagor o ddeunydd insiwleiddio ar gyfer y to.

Wyt ti'n meddwl all pawb wneud gwahaniaeth?

Gall heb os.

Os daw hi i'r dilyw, beth fuaset ti'n ei achub o dy gartref – ar wahân i'r teulu?

Bwced – achos yn dilyn pob dilyw does dim yn saffach na fydd sychder yn siŵr o ddilyn rhywbryd!