Noson Chis a Meinir
Noson Chis a Meinir
Mwynhewch eich hoff ganeuon Cymraeg mewn cyfres adloniant newydd sbon sy’n rhoi sylw i rai o artistiaid mwyaf adnabyddus y sîn roc a phop Gymraeg dros y deugain mlynedd diwethaf. Y cantorion amryddawn Huw Chiswell a Meinir Gwilym fydd yn cyflwyno’r gyfres arbennig hon.
Yr wythnos hon - Edward H. Dafis
Yn rhaglen ola’r gyfres, caneuon y band Edward H. Dafis fydd yn cael sylw Huw Chiswell a Meinir Gwilym. Ffurfiwyd y band ym 1973 a daeth i ben yn derfynol ym 1981, er y cafwyd seibiant rhwng 1976 a 1978. Mae nifer o’r caneuon yn parhau yn boblogaidd hyd heddiw ac yn y rhaglen heno bydd artistiaid megis Ryland Teifi, Angharad Brinn a Llew Davies yn gosod eu stamp bersonol ar y caneuon. Wyneb newydd yr wythnos hon ydy Siôn Ifan o’r Dryslwyn, sy’n cael cymorth Côr Aelwyd yr Ynys i ganu un o ganeuon enwocaf y band, ‘Ysbryd y Nos’.