Pen-blwydd Hapus S4C!

Ar 1 Tachwedd 1982 dechreuodd S4C darlledu - yr unig sianel deledu Gymraeg yn y byd.
Dai Jones - un o wynebau mwyaf cyfarwydd a phoblogaidd S4C. Mae Dai wedi cyflwyno 27 cyfres o Cefn Gwlad.
Jones Jones Jones - torrwyd y record byd am gasglu’r nifer fwyaf o bobl â’r un cyfenw yn yr un man ym mis Tachwedd 2006. Darlledodd S4C y gyngerdd a gynhaliwyd i ddathlu’r digwyddiad yng Nghanolfan y Mileniwm, Caerdydd.
Y nifer o enwebiadau ar gyfer Oscar® a dderbyniodd ffilmiau S4C (Hedd Wyn, Yr Enwog Ffred, Y Wraig o Gaerfaddon, Solomon a Gaenor).

Y nifer o wobrwyon cartref a rhyngwladol mae’r gyfres ddrama Con Passionate wedi ennill hyd yma (Rose d’Or, dwy wobr Prix Europa, Gŵyl y Cyfryngau Celtaidd a BAFTA Cymru).
6 ffilm oedd yng nghyfres gyntaf Shakespeare: Y Dramâu wedi’u Hanimeiddio. Gwerthwyd y rhaglenni i dros 50 o wledydd ac enillodd y gyfres wobrau yng Ngŵyl Ffilm Efrog Newydd a’r Primetime Emmys yn America.
Bydd cyfres 7 o Tipyn o Stâd yn cael ei darlledu yn 2008.
Mae’r rhif 8 yn allweddol i’n gwasanaethau ar y sgrîn. Mae is-deitlau Saesneg ar 888 ac is-deitlau Cymraeg i ddysgwyr ar 889. Mae dros 80% o arlwy S4C yn cael ei his-deitlo.

Rhif crys Dwayne Peel, chwaraewr talentog ifanc yng ngharfan rygbi Cymru a chyflwynydd Rygbi 100%.
Mae 10 Disg Amryddawn Digidol (DVD) o un o gyfresi mwyaf poblogaidd S4C, C’Mon Midffîld, wedi gwerthu bron i 10,000 o gopïau ar label Sain, ar ben y miloedd o fideos a werthwyd cyn hynny.
Mae gwefan weithredol wedi bod gan S4C ers 11 mlynedd. Aeth y tudalennau cyntaf ar-lein yn 1996!
Dechreuodd Rownd a Rownd yn 1995, ac eleni mae’n dathlu deuddeg mlynedd ar y sgrîn. Mae’r set yn atyniad mawr ym Mhorthaethwy, tra bod ambell i ymwelydd wedi credu bod y caffi a’r siop trin gwallt yn llefydd go iawn!

Mae cyfres Sali Mali wedi gwerthu i 13 o diriogaethau dros y byd. Mae’r ferch fach hoffus a’i ffrindiau’n apelio at blant ym mhob man.
Mae Gwifren Gwylwyr S4C wedi bod yn derbyn galwadau gan y cyhoedd ers i’r gwasanaeth gael ei lansio yn 1993. Hyd yma eleni, mae’r Wifren wedi derbyn dros 8,000 o ymholiadau.
Mae S4C wedi darlledu cystadleuaeth Cân i Gymru ers 15 mlynedd, er bod y gystadleuaeth ei hun yn dyddio’n ôl i 1969—yn hŷn o dipyn nag S4C!
Bu 16 o gyflwynwyr yn eich croesawu i Uned 5 ers i’r rhaglen gychwyn yn 1994. Ym mis Tachwedd eleni bydd yn darlledu rhifyn 1,000.

Gwerthwyd y gyfres animeiddio Holi Hana i 17 o wledydd. Bydd ail gyfres o hanesion yr hwyaden gymwynasgar yn siŵr o gadw’r plant sydd wedi cymryd ati’n hapus iawn.
Nifer y rhaglenni dros 3 chyfres o Tair Chwaer, hanes un teulu cythryblus ond agos yng ngorllewin Cymru.
Bydd Sgorio tymor 2007-8 yn golygu fod y gyfres bêl-droed boblogaidd ar S4C ers 19 tymor—mae hwnna’n lot o gôls!
Caiff 20 peint o laeth y diwrnod eu defnyddio mewn diodydd poeth gan staff ac ymwelwyr S4C!

Oed Sam Tân. Daeth Pontypandy yn fyw yn 1986, gyda Sam, Norman, Elvis, Bella a’r criw yn diddanu plant Cymru a’r byd.
Dyma oedd oedran Matthew Rhys pan enillodd ei wobr BAFTA Cymru cyntaf am ei ran yn y ffilm Bydd yn Wrol. Bellach mae’n wrol ar y teledu yn Brothers and Sisters ar C4 ac S4C.
Oedran Ioan Gruffudd pan lamodd i ddyfroedd dyfnion Hollywood yn y ffilm Titanic, a datblygu ei yrfa ar ochr arall y Môr Iwerydd. Dechreuodd ei yrfa actio, wrth gwrs, ar Pobol y Cwm, cyfres sebon fwyaf hirhoedlog y BBC.
Oed yr animeiddwraig dalentog Joanna Quinn pan wnaeth hi ei ffilm gyntaf am Beryl. Yn 2007 enillodd Beryl, y Briodas a’r Fideo wobr BAFTA Cymru. Roedd y ffilm eisoes wedi ennill 25 o wobrau mewn gwyliau animeiddio ledled y byd.