Popeth yn Wyrdd

Trefnu Marchnad Cynnyrch Lleol

1. Ymweld â marchnad Cynnyrch Lleol lwyddiannus a siarad gyda’r trefnydd.
2. Penderfynu ar dref/ardal i gynnal y farchnad (gan sicrhau nad oes marchnad debyg yno yn barod).
3. Dewis dyddiad pan nad oes digwyddiad/marchnad arall yn cael ei gynnal (er mwyn sicrhau y bydd y nifer mwyaf o stondinwyr ar gael) e.e. ail ddydd Iau bob mis.
4. Penderfynu ar, a llogi lleoliad penodol, e.e. neuadd bentref, neuadd ysgol, lleoliad awyr agored.
5. Trefnu trwydded drwy'r cyngor lleol – cysylltu ââ’r Adran Safonau Masnach i gael arweiniad.
6. Mesur arwynebedd llawr y lleoliad neu gael cynllun llawn gan y perchennog. Penderfynu faint i'w godi ar stondinwyr, gan gofio faint o stondinau a ellir eu cael yno, a meddwl am gostau eraill posibl, e.e. hysbyseb papur newydd ac arwyddion.
7. Gwahodd masnachwyr lleol i gymryd rhan gan sicrhau bod amrywiaeth o gynnyrch ar werth yno a dim gormod o'r un math o nwyddau.
8. Sicrhau bod gan bob masnachwr yswiriant atebolrwydd cyhoeddus a bod yswiriant mewn lle ar gyfer y lleoliad neu drefnu yswiriant eich hunan a sicrhau bod gan bob masnachwr sy'n gwerthu bwyd drwydded glendid bwyd.
9. Gwneud Asesiad Risg (dewisol – gellir cael cymorth gan yr Awdurdod Lleol i wneud hyn).
10. Trefnu arwyddion i'w rhoi ar y ffordd. Bydd angen mynd at gwmni proffesiynol os ydych am rai swyddogol a byddant hwy wedyn yn gorfod gwneud cais swyddogol i'r Cyngor. Trefnu posteri/taflenni/hysbyseb papur newydd. Gyrru datganiadau i'r wasg leol.
11. Trefnu adloniant – e.e. eitemau gan blant ysgolion lleol (dewisol).

« llai