Safle Cynhyrchu S4C

Tendrau

Gwahoddiad i ddatgan diddordeb: Darpariaeth S4C o Bencampwriaeth Ieuenctid y Byd yr IRB 2013

Mae S4C wedi llwyddo i sicrhau hawliau i rai gemau yng nghystadleuaeth rygbi Pencampwriaeth Ieuenctid y Byd 2013. Mae'r gystadleuaeth yn cael ei chynnal yn Ffrainc ym mis Mehefin 2013.

Rydym yn gwahodd cwmnïau cynhyrchu annibynnol sydd â phrofiad uniongyrchol o gyfleu rhaglenni chwaraeon byw i S4C i ddatgan eu diddordeb drwy ddanfon e-bost at y Comisiynydd Chwaraeon, Geraint Rowlands (geraint.rowlands@s4c.co.uk ) erbyn 12:00 Dydd Iau Ebrill 18 2013. Fe fydd pob cwmni sy'n dangos diddordeb yn derbyn dogfen sy'n amlinellu'r manylion pellach.

Bydd disgwyl i chi e-bostio eich syniadau i mewn erbyn 12:00 Dydd Gwener Ebrill 26 2013 a byddwn yn anelu i apwyntio'r cwmni llwyddiannus erbyn Dydd Gwener Mai 3 2013.

Byddwn yn gwobrwyo'r gwaith ar sail y syniadau am y cynnwys, trac record y cwmni a'r personnel a gwerth am arian.

Mae S4C yn gofyn i'r ymgeiswyr i beidio cysylltu â'r IRB na Proactive (sef y cwmni fydd yn trefnu'r ddarpariaeth leol) ar hyn o bryd i drafod y ddarpariaeth na'r adnoddau.

Gwahoddiad i dendro : Gwasanaethau Mynediad S4C (sain ddisgrifio ac arwyddo ar-sgrîn)

Dyddiad Cyhoeddi: Dydd Mercher, 20fed o Fawrth 2013

Dyddiad ac amser cau ar gyfer derbyn ceisiadau: 12.00 hanner dydd, dydd Mawrth, 9fed o Ebrill 2013

Dyddiad cau ar gyfer derbyn ceisiadau am eglurhad: dydd Mercher 3ydd o Ebrill 2013

Gwahoddiad i dendro : Gwasanaethau Mynediad S4C

Cytundeb Drafft: Gwasanaethau Mynediad S4C (sain ddisgrifio ac arwyddo)

Gwahoddiad i dendro : Gwasanaethau Mynediad S4C - Cwestiynau ac Atebion

Cwestiynau ac atebion ychwanegol

Gwahoddiad i dendr: Fersiwn Cymraeg o gyfres natur

Fersiwn Cymraeg o gyfres natur The Burrowers

Mae S4C wedi prynu cyfres natur 3 x 60 munud o'r enw The Burrowers. Rydym yn gwahodd syniadau oddi wrth gwmnïau cynhyrchu sydd â phrofiad helaeth ym maes natur/bywyd gwyllt ac o weithio ar gyd-gynhyrchiadau.

Bydd gan S4C a'r cwmni cynhyrchu a benodir yr hawl i ffilmio deunydd ychwanegol ar gyfer y fersiwn Cymraeg. Amcangyfrifir uchafswm o 18 diwrnod dros y cyfnod ffilmio o 10 mis. Bydd disgwyl i chi ddarparu criw ffilmio eich hun ac i gydweithio gyda'r tîm cynhyrchu rhyngwladol yn ystod y cyfnod cynhyrchu. Bydd S4C yn enwi cyflwynydd ar gyfer y cynhyrchiad Cymraeg. Bydd y gyfres (gan gynnwys yr elfennau ychwanegol ar gyfer y fersiwn Gymraeg) yn cael ei ffilmio ar fformat Manylder Uwch.

Byddwn yn gwobrwyo'r gwaith ar sail gwerth am arian a chynnwys golygyddol fydd yn ymateb i ofynion ein gwylwyr.

Os oes gennych ddiddordeb i gynnig am y gwaith cysylltwch â Kathryn Edwards (kathryn.edwards@s4c.co.uk) am fanylion pellach. Byddwn yn anelu i apwyntio'r cwmni llwyddiannus erbyn Dydd Gwener 23ain o Dachwedd 2012 a dylid e-bostio eich syniadau at y Comisiynydd Ffeithiol (llion.iwan@s4c.co.uk ) erbyn 16:00 Mercher 21ain o Dachwedd 2012.

Ar hyn o bryd, gofynnir i chi beidio cysylltu â chwmni cynhyrchu'r fersiwn rhyngwladol. Mae croeso i chi drafod yr wybodaeth bellach a'r cynhyrchiad gyda'r Comisiynydd Ffeithiol Llion Iwan.