Safle Cynhyrchu S4C

Gwasanaeth adolygu a llwytho isdeitlau ar gyfer eu darlledu ar S4C

Dyddiad Cau 12:00 canol dydd Llun 20 Hydref 2008

Gwasanaeth isdeitlau Saesneg ar gyfer rhaglenni a dolenni Cyw

Dyddiad Cau 12:00 canol dydd Llun 20 Hydref 2008

Gwasanaeth arwyddo ar S4C Digidol

Dyddiad Cau 12:00 canol dydd Mawrth 14 Hydref 2008

Cwestiynau ac Atebion

• A oes unrhyw sgriptiau Saesneg ar gael ymlaen llaw?
• Fe fydd ffeil isdeitlau ar gael yr un pryd â’r tapiau. Gelli anfon y ffeil drwy e-bost ar ffurf text file, .ebu neu .stl.


• Sut ydyn ni’n darganfod pa rhaglenni sydd wedi eu dewis, a phryd? Oes amserlen yn cael ei chyhoeddi?
• Bydd amserlen yn cael ei llunio'n chwarterol a bydd yn cael ei diweddaru'n fisol.


• A fydd y deunydd a'r amserlen ar gael ar yr un pryd?
• Fe fydd yr amserlen ar gael tri 3 mis o flaen llaw, a'r deunydd ar gael o leiaf 10 diwrnod cyn y darllediad.


• Sut mae newidiadau i'r amserlen yn cael eu mynegi?
• Caiff unrhyw newidiadau eu pasio ymlaen trwy e-bost.


• Ydy cyflenwad TX-2 wedi ei seilio ar wythnos o saith neu bump diwrnod?
• Mae'r amserlen yn y tendr wedi ei seilio ar wythnos o saith diwrnod (h.y. os ydy'r darllediad ar ddydd Sadwrn, disgwylir i'r deunydd gyrraedd ar y dydd Iau).


• A oes yna broses safoni o fewn S4C?
• Mae pob tâp sy'n cyrraedd S4C ar gyfer darlledu yn cael prawf technegol ond disgwylir i bob tâp gydymffurfio gyda GofynionTechnegol S4C 2008 (gweler Gofynion Technegol). Fe fyddwn yn gwneud profion ar hap ar safon yr arwyddo twy gydol y cyfnod cytundebu.


• A fydd y deunydd yn ein cyrraedd fesul rhaglen neu fesul cyfres?
• Fe fydd y rhan fwyaf o'r deunydd yn cyrraedd fesul rhaglen (y rhaglenni i gyd ar gyfer y darllediad mewn tua 11 diwrnod) ond mae'n bosibl y bydd ambell un yn cyrraedd fesul cyfres.


• Ydy pob rhaglen a ddewisir ar gyfer arwyddo hefyd yn cael ei hisdeitlo?
• Ydy.


• A fydd isdeitlau Saesneg ar gael ar gyfer arwyddo?
• Bydd.


• Faint o amser sydd rhwng y darllediad gwreiddiol a'r fersiwn wedi ei harwyddo?
• Fel arfer ychydig o ddiwrnodau, ond mae hyn yn gallu amrywio.

Gwasanaeth Sain Ddisgrifio ar gyfer S4C

Dyddiad Cau 12:00 canol dydd Mawrth 14 Hydref 2008

Cwestiynau ac Atebion

• Sut ydyn ni'n darganfod pa rhaglenni sydd wedi eu dewis, a phryd? Oes amserlen yn cael ei chyhoeddi?
• Fe fydd amserlen yn cael ei llunio'n chwarterol ac yn cael ei diweddaru'n fisol, tua 2 fis o flaen llaw.


• A fydd y deunydd a'r amserlen ar gael ar yr un pryd?
• Fe fydd yr amserlen ar gael tri 3 mis o flaen llaw, a'r deunydd ar gael tua 10 diwrnod cyn y darllediad.


• Sut mae newidiadau i'r amserlen yn cael eu mynegi?
• Caiff unrhyw newidiadau eu pasio ymlaen trwy e-bost.


• Ydy cyflenwad TX-2 wed ei seilio ar wythnos o saith neu bump diwrnod?
• Mae'r cyflenwad wedi ei seilio ar wythnos 7 diwnod.


• A oes yna broses safoni o fewn S4C?
• Mae pob tâp sy’n cyrraedd S4C ar gyfer darlledu yn cael prawf technegol ond disgwylir i bob tâp gydymffurfio gyda Gofynion Technegol S4C 2008 (gweler Gofynion Technegol).


• A fydd y deunydd yn ein cyrraedd fesul rhaglen neu fesul cyfres?
• Fe fydd tapiau yn cyrraedd fel y maent yn cael eu cyfleu i S4C, fel arfer mae sawl rhaglen mewn cyfres yn cyrraedd yr un pryd.


• A fydd gofyn i addasu ffeiliau yn ogystal â'u creu o’r newydd?
• Yn gyffredinol, ni fydd angen addasu ffeiliau. Mae'n bosibl y bydd angen addasu côd amser ar ambell i ffeil gan fod rhai rhaglenni'n cael eu darlledu gydag a heb doriad ar gyfer hysbysebion.

Cân i Gymru 2009-2010

Gwahoddir ceisiadau gan Gwmnïau i lwyfannu a chynhyrchu cystadleuaeth flynyddol Cân i Gymru fel digwyddiad aml-lwyfan ar gyfer S4C.

Dyddiad Cau 12:00 canol dydd Mawrth 30 Medi 2008

Gwahoddiad i dendro (PDF)

Cytundeb drafft Cân i Gymru 2009-2010 (PDF)

Sylwebaeth Saesneg

Mae S4C yn gwahodd tendrau ar gyfer gwasanaeth sylwebaeth chwaraeon Saesneg.

Cwestiwn 1

Pa adnoddau sydd ar gael i leoli rhan o'r gwasanaeth yn S4C?

Ateb 1

Y mae adnoddau ar gyfer trosleisio sylfaenol ar gael. Byddai angen trafodaeth bellach os byddai angen adnoddau eraill. Os ydych yn bwriadu lleoli'r uned sylwebu fyw yn S4C nodwch unrhyw ragdybiaethau yn eich cais.

Cwestiwn 2

Pryd yn union – pa gêm/rhaglen – fydd y gyntaf i gael y gwasanaeth newydd?

Ateb 2

Fe fyddem yn hoffi dechrau’r gwasanaeth cyn gynted ag sy’n bosib ond yn dibynnu ar beth sydd yn ymarferol. Nodwch unrhyw ragdybiaethau am gyfnod cychwyn yn eich cais.

Lawrlwythwch gwybodaeth am y tendr yma (dogfen pdf)

Cytundeb i Gynhyrchu a Chyfleu Sylwebaeth Chwaraeon Sasneg ac i Ddarparu Gwasanaethau (dogfen pdf)

Gwasanaeth Dysgwyr i S4C

Mae S4C yn gwahodd tendrau ar gyfer gwasanaeth cynhwysfawr i ddysgwyr Cymraeg, a fydd yn apelio at ddysgwyr o bob oed, gallu a diddordeb.

Lawrlwythwch gwybodaeth am y tendr yma

Cwpan Rygbi Ewrop 2008/9 a 2009/10

Mae S4C yn berchen ar yr hawliau ecscliwsif i ddarlledu yn yr iaith Gymraeg, ar wasanaethau teledu rhad ac am ddim, uchafbwyntiau Cwpan Rygbi Ewrop (a adnabyddir fel Cwpan Heineken ar hyn o bryd) am y ddau dymor nesaf. Gwahoddir cynhyrchwyr i gynnig am y cytundeb i ddarparu pecyn o raglenni uchafbwyntiau a fydd yn ymateb i ddisgwyliadau a dyheadau S4C.

Fe fydd cytundeb comisiynu drafft yn cael ei gyhoeddi erbyn 16 Gorffennaf.

Lawrlwythwch gwybodaeth am y tendr yma

Cytundeb drafft - Cwpan Rygbi Ewrop 2008/9 a 2009/10

Pencampwriaeth Rygbi'r Byd dan 20 yr IRB

17-Ebr-2008

Mae S4C, mewn partneriaeth gyda'r BBC, mewn trafodaethau i sicrhau hawliau darlledu Pencampwriaeth Rygbi'r Byd dan 20oed yr IRB, a gynhelir yng Nghymru yn ystod mis Mehefin 2008.

Mae’r gystadleuaeth yn dechrau ar y 6ed o Fehefin 2008, a darlledir y gemau byw o Barc yr Arfau Caerdydd, Rodney Parade Casnewydd a Stadiwm Liberty Abertawe. Bwriedir darlledu 11 gêm fyw yn ogystal â rhaglenni uchafbwyntiau. Noder amserlen dynn y tendr yma

Am fwy o fanylion cliciwch yma

Er mwyn osgoi amheuaeth, fe fydd angen i’r prif ddarlledwr ddarparu’r isod, o bob lleoliad lle fydd yna gêm fyw:

Pan fydd S4C yn fyw:

• Darpariaeth fyw gyda graffeg a sylwebaeth Gymraeg. I S4C.
• Darpariaeth fyw gyda graffeg a sylwebaeth Saesneg ar gyfer y ffîd ryngwladol a BBC Cymru. I Dwr BT ac i BBC Cymru.
• Does yna ddim trafodaeth wedi bod ynglŷn â’r posibiliad o ddefnyddio llinell wrth gefn ar gyfer y ffîd rhyngwladol ac mae’n annhebygol y byddai’r IRB yn cytuno i hyn.

Pan fydd BBC Cymru yn fyw:

• Darpariaeth fyw gyda graffeg a sylwebaeth Saesneg ar gyfer y ffîd rhyngwladol a BBC Cymru. I BBC Cymru a Twr BT.
• Darpariaeth byw, yn lân o bob graffeg ar gyfer uchafbwyntiau S4C.
• Fe ddylai’r ymgeisydd gynnig ffyrdd effeithiol o gyfleu’r ddarpariaeth uchafbwyntiau i S4C.

Noder hefyd fod yr IRB wedi cadarnhau’r newidiadau isod i amser cychwyn rhai o’r gemau:

• Gêm 8 – y gic gyntaf am 1910
• Gêm 16 – y gic gyntaf am 1910
• Gêm 32, ar y 4ydd diwrnod, yr ail opsiwn – y gic gyntaf am 2110

Tendr i gynhyrchu darpariaeth S4C o daith tim rygbi Cymru i Dde Affrica

02-Ebr-2008

Lawrlwythwch gwybodaeth am y tendr yma

Tendr Cynhyrchu Dolenni Cyflwyno ar gyfer Darpariaeth Estynedig Plant Meithrin S4C

12-Maw-2008

Cwestiwn 1

A allwch chi gadarnhau y bydd yn bosib defnyddio cymeriadau newydd ( yr anifeiliaid ) sydd wedi’ creu ar gyfer Planed Plant Bach sef Llew, Cyw, Bolgi, Plwmp, Jangl a Deryn. A’i gan S4C mae’r hawlfraint llwyr?

Ateb 1

Mae’r ddogfen dendr yn nodi y ‘ bydd modd adeiladu ar frand, delweddau a chymeriadau Planed Plant Bach sydd yn eiddo i S4C’. Mae’r cymeriadau a restrir uchod yn eiddo i S4C

Cwestiwn 2

Oes gennych arweiniad o minimum a max duration o ddolenni ym mhob awr? A hefyd min-max y slot hanner awr.

Ateb 2

Mae’r ddogfen dendr yn nodi ‘Rhagwelwn, ar gyfartaledd, bydd angen tua 5 munud o ddolenni cyflwyno bob awr (er y gall hyn amrywio), wedi eu recordio o flaenllaw’. Yn naturiol bydd llai o amser i’w lenwi o fewn ac o gwmpas y slot hanner awr. Mae’r ddogfen hefyd yn rhoi enghreifftiau o’r math o raglenni (a’u hyd) y gellir eu darlledu.

Cwestiwn 3

Yn ôl gwefan TAC yr unig gyferiad penodol at gyfradd WGGB ar gyfer Sgriptiau Cyn Ysgol ydi “Deialog £21 y funud gyda’r amlinelliad a’r fformat wedi’i ddarparu gan y Cynhyrchydd neu drydydd parti”. O ddilyn y fformiwla hwn os oes angen sgriptio100 munud yr wythnos yna mae’r cyfanswm dros £100,000 am flwyddyn. Ai dyma’r gyfradd berthnasol? Beth yw canllawiau S4C ar gyfer cyllidebu tendr y Dolenni Meithrin?

Ateb 3

Mae’r ddogfen dendr yn nodi fod S4c ‘yn chwilio am syniadau dyfeisgar, gwreiddiol ac amrywiol ar gyfer cyflwyno’r rhaglenni yn y ddarpariaeth estynedig’. Mae rhyddid i gwmniau unigol i gynnig eu syniadau am y ffordd orau o wireddu hyn. Mater i’r cwmni fydd penderfynu a oes angen y math o sgriptio a ddiffinir yng nghytundeb y WGGB. Mae’r ddogfen dendr yn gofyn i gwmniau gynnwys cost clirio’r dolenni i’w darlledu’n ddigyfyngiad ar wasanaethau S4C (gan gynnwys y we/bandllydan) ond os rhagwelir unrhyw gyfyngiadau fe ddylid nodi hynny yn glir yn y cais.

Cytundeb Drafft Darpariaeth Estynedig Plant Meithrin S4C

06-Maw-2008

Cytundeb Drafft Darpariaeth Estynedig Plant Meithrin S4C

Dolenni Meithrin – Gwahoddiad i Dendr

03-Maw-2008

Ceir manylion tendr cynhyrchu dolenni cyflwyno ar gyfer darpariaeth estynedig plant Meithrin S4C yma.

Darpariaeth S4C o Bêl-droed Cymru

Mae S4C wedi sicrhau'r hawliau darlledu ar gyfer pêl-droed rhyngwladol Cymru a domestig tan 2012, gan ddechrau gyda thymor 2008/09. Rydym wedi sicrhau'r hawl i ddarlledu uchafbwyntiau ecsgliwsif o gêmau pêl-droed cartref Cymru, gan gynnwys rowndiau rhagbrofol ar gyfer Cwpan y Byd 2010 a Phencampwriaeth Ewrop 2012. Mae'r cytundeb hefyd yn cynnwys gêmau byw a phecynnau uchafbwyntiau ar gyfer Uwch Gynghrair Cymru a Chwpan Cymru yn ogystal â darpariaeth llwyfannau eraill o'r cystadlaethau hynny. Drwy ddilyn y Strategaeth Rhaglenni gwahoddir cynhyrchwyr i gynnig am y cytundeb i ddarparu pecyn o raglenni byw ac uchafbwyntiau, yn ogystal ag elfennau llwyfannau eraill a fydd yn ymateb i ddisgwyliadau a dyheadau S4C.

Darllen y tendr cyfan (pdf)

Dogfennau Atodol

• Canllawiau Technegol a Chynhyrchu Gwefannau S4C - Dyma ddrafft diweddaraf y canllawiau fydd yn weithredol ar gyfer y tendr hwn. Mae'r canllawiau yn cael eu datblygu ymhellach ar hyn o bryd a bydd unrhyw ddiweddariad yn cael ei gyhoeddi ar y wefan tendr. Os oes gennych unrhyw sylwadau neu gwestiynau a fyddech gystal â'u hanfon at tendr@s4c.co.uk.
• Cliciwch yma i weld drafft o'r cytundeb comisiynu

Cwestiynau ac Atebion

Cwestiwn 1
Beth yw costau derbyn lluniau Gemau Rhyngwladol Cymru gan Sky?

Ateb 1
oni bai fod y cwmni yn gofyn i Sky Sports i ddarparu cyfleusterau penodol ychwanegol (e.e. pwynt sylwebu), yna ni fydd disgwyl unrhyw gostau ychwanegol oddi wrth Sky.

Cwestiwn 2
Mae pwynt 2.4 yn dweud: "Mae S4C wedi cytuno i gydweithio gyda chymdeithas Pêl-droed Cymru i sefydlu llwyfannau eraill i bêl-droed Cymru" Beth yn union yw hyd a lled y cytundeb yma?

Ateb 2
Mae S4C wedi trafod y posibilrwydd o greu darpariaeth aml lwyfan a fydd yn datblygu'r diddordeb ym mhêl-droed Cymru. Croesawir syniadau.

Dyddiad cau: 12:00 canol dydd ar ddydd Iau'r 14eg o Chwefror 2008.

Cwestiwn 3
Oes angen rhoi 2 gyllideb i mewn - un i’r ddarpariaeth deledu a’r llall i’r llwyfannau eraill neu oes modd cyfuno’r ddau os ydi’r naill yn rhan anhepgor o’r llall ?

Ateb 3
Rydym yn hapus i dderbyn un cyllideb ar yr amod bod y manylion wedi eu heitemeiddio fel bod modd i ni adnabod yr holl elfennau.

Tendr incwm hysbysebu a nawdd S4C

Mae S4C Rhyngwladol i gyhoeddi tendr agored ar gyfer cytundeb i greu a chodi incwm hysbysebu a nawdd o’r cyfleodd masnachol sydd ar gael o fewn gwasanaethau teledu a band llydan S4C.

Bydd manylion llawn y cytundeb tair blynedd o hyd ar gael ar wefan S4C Rhyngwladol – www.s4c.co.uk/s4ci - o heddiw (18 Ionawr) ymlaen. Y dyddiad cau ar gyfer mynegi diddordeb yw 6 Chwefror.

S4C Rhyngwladol yw cangen fasnachol y darlledwr cyhoeddus Cymraeg S4C.