TENDRO RHAGLENNI S4C - AMSERLEN
15-Chwe-2006
Yn ystod y misoedd nesaf bydd S4C yn cyhoeddi sawl tendr rhaglenni.
Ar 1 Mawrth bydd tendr animeiddio gwerth oddeutu £500,000 dros gyfnod o ddwy flynedd yn cael ei gyhoeddi. Bydd nifer a hyd y cytundeb[au] yn amrywio dros y cyfnod.Y dyddiad cau ar gyfer cynigion fydd 19 Ebrill a disgwylir penderfyniad a chyhoeddiad cyn diwedd mis Mai.
Bydd cytundeb gwerth £2m i gynhyrchu Dechrau Canu Dechrau Canmol am gyfnod o ddwy flynedd yn cael ei gyhoeddi ar 28 Mawrth. Y dyddiad cau ar gyfer cynigion i S4C fydd 10 Mai a rhagwelir y bydd cyhoeddiad am y cwmni buddugol yn ystod mis Mehefin.
Yn ogystal, bydd S4C yn cyhoeddi tendr ym mis Mehefin ar gyfer creu cronfa o gwmnïau i ymgeisio am waith dybio ar unrhyw animeiddiadau sy’n cael eu prynu gan S4C yn ystod y ddwy flynedd nesaf.
Bydd y tendrau yn cael eu cyhoeddi ar wefan cynhyrchwyr S4C - s4c.co.uk/cynhyrchwyr.