SIANEL I BLANT – Y DIWEDDARAF
08-Awst-2007
Mae’r broses o ddadansoddi’r ymatebion i ymgynghoriad cyhoeddus Awdurdod S4C i gynlluniau i sefydlu sianel i blant yn cychwyn yn dilyn dyddiad cau’r ymgynghoriad ar 20 Gorffennaf.
Derbyniwyd bron i 500 o ymatebion, gan blant, unigolion a sefydliadau. Dros yr haf, bydd Awdurdod S4C yn cynnal y gwaith dadansoddi ac yn adnabod y ffordd ymlaen.
Meddai John Walter Jones, Cadeirydd Awdurdod S4C, “Mae lefel yr ymateb i’r ymgynghoriad wedi bod yn galonogol iawn ac ry’n ni’n ddiolchgar i bawb a gyfrannodd ei sylwadau. Mae’n amlwg fod y syniad o sefydlu sianel i blant wedi cydio yn y dychymyg.”